وزيراعلیٰ سهيل آفريدي د لانګ مارچ نه وړاندې وفاقي حکومت ته د مذاکراتو پيش کړې،وئيلي دي چې لانګ مارچ لپاره زمونږ تيارۍ بالکل مکمل دي، د څلورم اکتوبر فيصله آخري ده، څليريشت ګهنټو کښې دننه هم لانګ مارچ شروع کولې شو ۔
پيښور کښې سينيئر خبريالانو سره خبرو دوران سهيل آفريدي وئيلي چې د يوې حکمت عملۍ لاندې مو لانګ مارچ مؤخر کړې، کۀ زۀ نااهله کړې شوم، نود متبادل فيصله به باني پي ټي آئي کوي، نااهلۍ صورت کښې به زۀ نور زيات خطرناک شم ۔
وزېر اعلی سهېل افریدی وینا وه لانګ مارچ موخر کولو فیصله د سیاسی کمیټی وه، د څلورم اکتوبر لانګ مارچ اټل دې ، دا شروعات دي کۀ چرې عوام سړکونو ته راووتل نو بیا به وفاقي حکومت وجود برقرار پاتې نۀ شي ۔
هغوې زیاته کړې چې هغوي په مذاکراتو باندې یقین لرې ، وفاقي حکومت له د سنجیدګی مظاهره کول پکار ده ۔
د یو سوال په جواب کښې وزېر اعلی وینا وه کۀ چرې مولانا فضل الرحمن پي ټي آئي سره لانګ مارچ کښې تلل غواړې نو پي ټي آئي به ئې هرکلې اوکړي ۔
سهېل آفریدي زیاته کړې چې د لانګ مارچ اعلان کولو نه وړاندې حکومت سره د مذاکرات کولو موقع وه ، باني پي ټي آئي سره په ملاقاتونو بندیز لګولې شوې ، د هغوې علاج نۀ کیږی ۔
سهيل آفريدي مطابق د باني پي ټي آئي کیسونه په میرټ نۀ اوریدلې کیږي ، د لانګ مارچ نه علاوه پي ټي آئي سره بله لار نشته ، او دا چې د لانګ مارچ لپاره د هغوې ټولې تیاریانې مکمل وې ۔
