وزير اطلاعات ونشريات د افغان طالبانو لخوا د پاکستان نه افغانستان ته د وسلو اسمګلنګ دعوے رد کړې، عطا تارړ وائي چې پاکستان نه افغانستان ته د وسلې سمګلنګ دعوې بې بنياده دي، دغه دعوې د مسلمه حقائق منافي او اصل مسئلې نه توجه لرې کولو کوشش دې، افغانستان کښې نيټو اووۀ اعشاريه دوه اربه ډالر لګښت وسله پريښودې، افغان طالبان دې په خپله خاوره موجود ترهه ګرو خلاف موثر کارروائي اوکړي ۔
وزارت اطلاعات لخوا جاري شوې بيان کښې وئيلي شويدي چې پاکستان نه افغانستان ته د وسلو اسمګلنګ دعوې بې بنياده دي، دغه دعوې د مسلمه حقائق منافي او اصل مسئلې نه توجه لرې کولو کوشش دې ۔
د وزارت اطلاعات په بيان کښې مخکښې وئيلي شويدي چې افغانستان کښې امريکي او اتحادي فوج اوو اعشاريه دوه اربه ډالر و وسله پريښودلې ده ۔
بيان ترمخه افغانستان کښې د سوويت دور وسلو لوئي ذخيره هم موجود ده، دغه وسلې د پاکستان سره تړل اصل مسئلې نه توجه لرې کولو مترادف دې ۔
بيان کښې وئيلي شوي چې په افغان خاوره موجود ترهه ګر ډلو ته پناه، سهولت او کاروائۍ آزادي ده، دغه ډلې پاکستان کښې د ترهه ګر حملو منصوبه بندې او کارروائيانو کښي بوخت دي ۔
وزارت اطلاعات غوښتنه کړېده چې افغان طالبان دې خپله خاوره باندې موجود ترهه ګرو خلاف موثر کاروائي اوکړي او خپله خاوره دې چا ملک خلاف ترهه ګرۍ لپاره استعماليدو ته ورنکړي ۔
