پاکستان او آزاد جمو کشمير پشمول ټوله نړۍ کښې کشمير بليک ډے نمانځلې کيږي، په دې موقع خپل پيغام کښې نائب وزيراعظم او خارجه وزير اسحق ډار خپل بيان کښې وئيلي چې په دې ورځ کال نورلس سوه اووۀ څلويښتم کښې بهارتي فوج د تاريخ يو الم ناک باب آغاز کړې وو، اتيا کاله تيريدو باوجود نن هم کشميريان د سلامتي کونسل يوشمير تصديق شده قراردادونو باوجود د خپل حق نه محرومه دي ۔
اسلام آباد: خارجه وزير اسحاق ډار د جمو کشمير بليک ډے مناسبت سره خپل بيان کښې وئيلي دي چې د بهارتي غير قانوني قبضې لوجې د جمو و کشمير اولس بنيادي آزادۍ باندې بنديزونو، بشري حقونو چيلنجز، او سخت تکليفونو پشمول يو شمير مشکلاتو سره مخ دي ۔
بيان کښې وئيلي شوي چې د دې سختو مشکلاتو باوجود د جمو کشمير اولس د خپل عزم، حوصلې او استقامت باندې کلک ولاړ دي، د کشميريانو د نسلونو قربانۍ انصاف، امن او د مستقبل په خپله فيصله کولو حق لپاره د دوي د مسلسل کوششونو عکاسي کوي ۔
اسحاق ډار اووئيل چې سلامتي کونسل د کشميرايو حق خوداراديت لپاره يو شمير قراردادونه منظور کړي، چې پکښې د کشميريانو د خوښې مطابق د شخړې د پرامن حل تصور پيش کړې شوې ۔
هغۀ زياته کړې چې پاکستان هميشه په دې خبره زور راوړې چې دغه قراردادونه د کشمير شخړې حل کښې اهم حېثيت لري ، او دې لړ کښې پاکستان هميشه د نړۍ په هر فورم آواز هم پورته کړې ۔
اسحاق ډار يو ځل بيا غوښتنه کړې چې نړيواله ورورولي دې د کشميريانو د مشکلاتو حل او د هغوي د خوښې مطابق د کشمير شخړې مستقل حل لپاره کردار ادا کړي ۔
