د ويمنز ټي ټوينټي ورلډ کپ اتلسم ميچ کښې جنوبي افريقې په شپږ وکټو بهارت ته شکست ورکړې، د بهارت يوسل، نهه پنځوس رنز هدف جنوبي افريقې څلور وکټو په زيان نورلسم اوور کښې پورا کړې او ميچ ئې ګټلې دې،دې نه وړاندې لوبيدلې ميچ کښې ويسټ انډيز په پنځه وکټو سري لنکا ته شکست ورکړې وو ۔
مانچسټر کرکټ ګراؤنډ کښې لوبيدلې د ويمنز ټي ټوينټي اهم ميچ کښې بهارتي ټيم اول بېټنګ کړې وو او مقرره اوورز کښې ئې اووۀ وکټو په زيان يوسل، اتۀ پنځوس رنز جوړ کړي وو ۔
بهارت طرف نه ټولو نه زيات شفالي ورما يو ديرش، ديپتي شرما نهه ويشت رنز باندې آؤټ شوي وو، جنوبي افريقې لخوا ميريزانې کيپ او شبنم اسماعيل دوه، دوه وکټې په خپل نوم کړې وې ۔
جنوبي افريقې مقرره هدف شلم اوور کښې څلور وکټو په زيان پورا کړې، او په شپږ وکټو ئې ميچ ګټلې دې ،جنوبي افريقه طرف نه ټولو نه زيات ميريزانې کيپ شاندار يو اتيا رنز جوړ کړې او ناټ آؤټ پاتې شويده، تيزمين برټز څلويښت رنز جوړ کړي وو، شاندار آل راؤنډ کارکردګۍ باندې د افريقې ميريزانې کيپ د ميچ غوره لوبغاړې ګرځولې شويده ۔
ددې نه وړاندې برسټل ګراؤنډ کښې لوبيدلې د ميګا ايونټ اوولسم ميچ کښې ويسټ انډيز په پنځه وکټو سري لنکا ته شکست ورکړې،د سري لنکا ويمنز نهه نوي رنز هدف ويسټ انډيز پنځه په زيان اوولسم اوور کښې پورا کړې او ميچ ئې ګټلې دې ۔
شاندار آل راؤنډ کارکردګۍ باندې د ويسټ انډيز کپتانې هيلي ميتهيوز د ميچ بهترين لوبغاړې ګرځولې شوې ده ۔
