د مکه مشترکه معاهدې د سټريټجک سياسي او دفاعي کميټۍ د اجلاس اعلاميه جاري شوي،په سعودي عرب د حوثي باغيانو د حملو مذمت شوېدے،اجلاس دوران سعودي عرب کښې مشترکه فوجي دستې د تعينات کولو فيصله شويده،د پاکستان سره تعلق لرونکې ليفټيننټ جنرل ريټائرډ نعمان محمود د درې کالو لپاره سيکرټري جنرل مقررولو فيصله هم شويده، خارجه وزير اسحاق ډار،وزير دفاع خواجه آصف او فيلډ مارشل عاصم منير دې اجلاس کښې شرکت کړې دې ۔
د مکه دفاعي اتحاد د سټرټيجک سياسي او دفاعي کمېټۍ غونډه کښې پاکستان، سعودي عرب او ترکيې د سعودي عرب د دفاع او سلامتیا په اړه په مهمو اقداماتو اتفاق کړې دې، په غونډه کښې سعودي عرب ته د ضروري فوجي امداد او دفاعي صلاحيتونو د سمدستي استولو فيصله شوې ۔
د بهرنيو چارو وزارت مطابق لېفټيننټ جنرل ريټائرډ نعمان محمود د درې کالو لپاره د مکه دفاعي اتحاد وړومبې سېکرټري جنرل مقرر کړې دې ۔
په مشترکه اعلاميه کښې پاکستان، سعودي عرب او ترکيه د سعودي عرب د سلامتیا خلاف هر ډول حمله او ګواښ رد کړې دې ، درې واړو ملکونو مکه مکرمې او مدينې منورې ته د زيان رسولو هر قسمه کوشش او په سعودي ښارونو د حملو غندنه هم کړې ۔
درې واړو ملکونو د مشترکه دفاعي وعدو عملي کولو، دفاعي صلاحيتونو او فوجي انضمام زياتولو او د ممکنه ګواښونو په مقابله کولو اتفاق کړې ۔
په اعلاميه کښې وئيلي شوي چې د پاکستان، سعودي عرب او ترکيه سلامتیا د يو بل مشترکه سلامتیا لازمي برخه ده ،او درې واړو ملکونو د خپلې سلامتیا، خودمختارۍ او علاقائي سالمیت د دفاع لپاره د يو موټي پاتې کېدو عزم څرګند کړې ۔
