پاکستان د انډر نائنټين ايشيا کپ سيمي ته کواليفائي کړېده، اهم ميچ کښې پاکستان په اوويا رنز متحده عرب امارات ته شکست ورکړې، د پاکستان د دوه سوه، دوه څلويښت رنز هدف تعاقب کښې د يو اے اي ټول ټيم اتۀ ديرشم اوور کښې په يو سل، يو اوويا رنز آؤټ شويدې، شاندار بولنګ باندې عبدالسبحان د ميچ بهترين لوبغاړې ګرځولې شويدې ۔
دبئي کښې لوبيدلې د انډر نائنټين ايشيا کپ نهم ميچ کښې پاکستان ټاس ګټلې وو او پخپله ئې اول د بيټنګ فيصله کړې وه ۔
پاکستان مقرره اوورز کښې نهه وکټو په زيان دوه سوه، يو څلويښت رنز جوړ کړي وو چې پکښې ټولو نه زيات احمد حسين پنحۀ شپيتۀ ، سمير منهاس څلور څلويښت او حمزه ظهور دوه څلويښت رنز باندې آؤټ شوي وو ۔
يو اے اي طرف نه يوګ شرما درې او نسيم خان دوه وکټې په خپل نوم کړې وې ۔
د مقرره هدف په تعاقب کښې د يو اے اي ټول ټيم اتۀ ديرشم اوور کښې په يو سل ،يو اوويا رنز آؤټ شوې او په اوويا رنز ئې ميچ بيللې دې ۔
پاکستان طرف نه عبدالسبحان څلور، محمد صيام، مومن قمر او احمد حسين يو، يو وکټ اخستې ده ۔
د يو اے اي لخوا ايان مصباح شاندار بيټنګ کړې او په اووۀ اوويا رنز آؤټ شوې دې، شاندار بولنګ باندې د قامي ټيم عبدالسبحان د ميچ بهترين لوبغاړې ګرځولې شويدې ۔
