وفاقي حکومت د پټروليم مصنوعاتو په نرخ کښې نوره لويه اضافه کړې، چې ورسره د تيلو قيمتونه د ملکي تاريخ اوچت ترين سطح ته رسيدلې دي، دې لړ کښې پټروليم ډويژن نوټي فکيشن هم جاري کړېدې، بلخوا د خاورو تيلو نرخ کښې لوئې کمې شويدې ۔
اسلام آباد: پټروليم ډويژن له لوري جاري نوټي فکيشن کښې وئيلي شوي چې د پټرول نرخ کښې لټر په سر څوارلس روپۍ دوه نوي پيسې اضافه کړې شويده ۔
د پټروليم ډويژڼ نوټي فکيشن ترمخه د اضافې نه پس د پټرول قيمت لټر په سر څلور سوه ،څوارلس روپۍ او اتۀ اوويا پيسې ته رسيدلي دي ۔
نوټي فکيشن کښې مخکښې وئيلي شوي چې د ډيزل قيمت کښې في لټر پنځلس روپۍ اضافه کړې شوې، چې ورسره د ډيزل نوې قيمت څلور سوه، څوارلس روپۍ او اتۀ پنځوس پيسې ته رسيدلې دې ۔
بلخوا د خاورو تيلو نرخ کښې يو څلويښت روپۍ ، اتيا پيسې کمې شوې، نوټي فکيشن ترمخه د خاورو تيلو نوې قيمت درې سوه، اتلس روپۍ او شپږ نوي پيسې مقرر شويدې ۔
د پټروليم ډيزن اعلاميې ترمخه د پټرول او ډيزل نوې قيمتونه يوې هفتې لپاره مقرر شوي او د نوې قيمتونو اطلاق هم بيګا د شپې دولس بجو نه شويدې ۔
