حکومت د ډيزل په قيمت کښې د لوئې کمي فيصله کړې،د پټروليم وفاقي وزير علي پرويز ملک وئيلي دي چې د وزيراعظم په هدايت د ډيزل قيمت به ديرش نه تر دوه ديريش روپۍ في لټر پورې کمولې شي ، وفاقي وزير مطابق حکومت کوشش کوي چې د اولس تحفظ لپاره هر ممکن کوشش اوکړي، بلخوا وزير اطلاعات عطا تارړ وئيلي دي چې منطقه کښې جنګ لوجې تيلو قيمتونه سيوا شوي، وزيراعظم سره د اولس مشکلاتو احساس دې، وزيراعظم د ډيزل نرخ کمولو هدايت کړې وو ۔
اسلام آباد: پټروليم وزير علي پرويز ملک د وزير اطلاعات عطا تارړ سره شريکې خبري غونډې ته وينا پر مهال وئيلي دي چې حکومت ته د اولس ستونزو او تکليفونو احساس دې ۔
وفاقي وزير اووئيل چې کوم هم عوامي ريليف ممکن وي حکومت فوري ورکولو کوشش کوي، پټروليم مصنوعاتو قيمتونو کښې سبسډي فيصله هم د دغه ريليف برخه وه ۔
هغه اووئيل چې مشکل وخت به ضرور ختميږي، حکومت عوام ته تحفظ ورکولو هر ممکن کوشش کوي،ريفائنريز د حکومت خواست منلې دې او د ډيزل في لټر قيمت کښې ئې ديرش نه تر دوه ديرش روپۍ پوري کمي کولو فيصله کړېده ۔
په دې موقع خپله وينا کښې د اطلاعاتو وزير عطا تارړ اووئيل چې منطقه کښې د جنګ لوجې ټوله دنيا کښې د تيلو قيمتونو سيوا شوي دي ۔
وزير اطلاعات و نشريات مخکښې اووئيل چې وزيراعظم سخت وخت کښې عوام ته سبسډي ورکړېده، هغه سره د عوام د مشکلاتو احساس شته دې ۔
