سه فريقي ټي ټوينټي سيريز شپږم ميچ کښې سري لنکاپه شپږ رنز پاکستان ته شکست ورکړې او د ايونټ فائنل ته ئې کواليفائي کړيده، د يو سل پنځه اتيا رنز هدف جواب کښې قامي ټيم اووۀ وکټو په زيان يو اتۀ اوويا رنز جوړ کړي، شاندار بولنګ باندې د سري لنکا دوشمانته چميرا د ميچ بهترين لوبغاړې ګرځولې شويدې ، د ايونټ فائنل به د خالي په ورځ د پاکستان او سري لنکا ترمينځ لوبيږي ۔
پنډۍ کرکټ سټيډيم کښې لوبيدلې د سه فريقي ټي ټوينټي سيريز شپږم ميچ کښې پاکستان ټاس ګټلې وو او د فيلډنګ فيصله ئې کړې وه ۔
سري لنکا مقرره اوورز کښې پنځه وکټو په زيان يو سل څلور اتيا رنز جوړ کړي، چې پکښې کامل مشرا شاندار بيټنګ کړې اوشپږ اوويا رنز ئې جوړ کړي، کوسال مينډس په څلويښت رنز آؤټ شويدې ۔
پاکستان طرف نه ابراراحمد دوه، سلمان مرزا او صائم ايوب يو، يو وکټ په خپل نوم کړېده ۔
د مقرره هدف په تعاقب کښې قامي ټيم مقرره اوورز کښې اووۀ وکټو په زيان يوسل اتۀ اوويا رنز جوړ کړي او ميچ ئې بيللې دې ۔
پاکستان طرف نه ټولو نه زيات سلمان آغا دري شپيتۀ رنز جوړ کړي او ناټ آؤټ پاتې شوې وو ۔
عثمان خان دري ديرش، صائم ايوب اووۀ ويشت ، محمد نواز هم اووۀ ويشت ،صاحبزاده فرحان نهه، بابر اعظم صفر، فخر زمان يو او فهيم اشرف اووۀ رنز جوړ کړي وو ۔
سري لنکا طرف نه دوشمانته چميرا شاندار بولنګ کړې او څلور وکټې اخستو باندې ورته د ميچ بهترين لوبغاړي انعام ورکړې شويدې ۔
دا ميچ ګټلو سره سري لنکا د سه فريقي سيريز فائنل ته کواليفائي کړې او زمبابوے د فائنل د زغل نه بهر شوې، د ايونټ فائنل به د خالي په ورځ د پاکستان او سري لنکا ترمينځ پنډۍ سټيډيم کښې لوبيږي ۔
