وفاقي حکومت د پټرول او ډيزل نرخ کښې د کمي اعلان کړې او دې حوالې سره پټروليم ډويژن له لوري اعلاميه هم جاري کړې شوې ده ۔
اسلام آباد: پټروليم ډويژن له لوري جاري نوټي فکيشن کښې وئيلي شوي چې پټرول نرخ کښې لټر په سر نهه روپۍ ، يو څلويښت پيسې کمې شوې، چې ورسره د پټرول في لټر نوې قيمت درې سوه، دوه پنځوس روپۍ او نهه پنځوس پيسې مقرر کړې شوې دې ۔
نوټي فکيشن مطابق د ډيزل نرخ کښې پنځه روپۍ ، شپږ پنځوس پيسې في لټر کمي اعلان شوې، چې ورسره د ډيزل نوې قيمت درې سوه، دوه اتيا روپۍ او پنځه ويشت پيسې في لټر مقرر کړې شويدې ۔
نوټي فکيشن کښې مخکښې وئيلي شوي چې اوګرا د پټروليم پرائسنګ مکينزم لاندې د شپږ نومبر لپاره د پټروليم مصنوعاتو ايکس ډپو قيمتونو کښې ردو بدل کړې دې ۔
نوټي فکيشن کښې مخخښې وئيلي شوي چې د پټرول او ډيزل د نوې قيمتونو اطلاق به د شپې دولس بجو نه پس د شپږم نومبر پورې وي ۔
