د پنجاب وزيراعلیٰ مريم نواز د وزيراعلیٰ خېبر پښتونخوا سهيل آفريدي د پنجاب دوره ناکامه ګرځولې، او وئيلي دي چې د پنجاب خلقو د سهيل آفريدي پيژندګلو نه هم انکار کړې، ملتان کښې د اليکټرک بس سروس پرانستې دستورې ته وينا کښې مريم نواز وئيلي چې سهيل آفريدي ته پنجاب کښې هيڅوک نۀ دي ميلاؤ شوې، او بيا ئې په خپله خپل ځان اغوا کړې ،دغه خلق د پښتونخوا نه پنجاب باندې حملې لپاره راغلي وو، او هيچا ورسره ملګرتيا اونکړه، نو بيا په سړک کښيناستل ۔
وزيراعلیٰ پنجاب مريم نواز ملتان کښې د اليکټرک بس سروس پرانسته کړې، د اليکړک بس سروس پرانستې دستورې ته خپل خطاب کښې د وزیراعلیٰ پنجاب مريم نواز د خېبرپښتونخوا وزیراعلیٰ سهيل آفريدي د پنجاب دوره ناکامه بللې او وئيلي دي چې د پنجاب خلقو سهيل آفريدي پيژندلو نه انکار کړې ۔
مريم نواز وئيلي چې د خېبرپښتونخوا نه ځني کسان پنجاب ته د حملې لپاره راغلي وو، خو چا ورته پام اونکړو او هغوي په سړک کښې ناست وو ۔
د اليکټرک بس سروس په اړه وزیراعلیٰ پنجاب وئيلي چې په داسې سيمو کښې هم شين بس سروس رسولې شوې چې خلقو هلته د سرکاري ټرانسپورټ نوم هم نه وو اورېدلې ۔
