د پي ايس ايل يوولسم ايډيشن خوندور ميچونه جاري دي، د ايونټ اووه ويشتم ميچ کښې لاهور قلندرز په دوه ديرش رنز راولپنډيز ته شکست ورکړې، د لاهور دوه سوه، يوولس رنز هدف جواب کښې د پنډۍ ټيم مقرره اوورز کښې يو سل، اتۀ اوويا رنز جوړ کړي او ميچ ئې بيللې دې، شاندار بېټنګ باندې فخر زمان د ميچ بهترين لوبغاړې ګرځولې شويدې ۔
کراچۍ کښې لوبيدلې د پي ايس ايل اووۀ ويشتم ميچ کښې لاهور قلندرز ټاس ګټلو نه پس په خپله بيټنګ کړې وو او مقرره اوورز کښې ئې څلور وکټو په زيان دوه سوه، لس رنز جوړ کړي وو ۔
فخرزمان شاندار څلور اتيا، محمد فاروق دري شپيتۀ او عبدالله شفيق شپږ ويشت رنز باندې آؤټ شوي وو، پنډۍ طرف نه محمد عامر او رضا الله دوه، دوه وکټې اخستې وې ۔
د مقرره هدف په تعاقب کښې راولپنډيز نهه وکټو په زيان يو سل ، اتۀ اوويا رنز جوړ کړي او جاري ايونټ کښې ئې مسلسل اووم ميچ هم بيللې دې ۔
پنډۍ طرف نه ټولو نه زيات اتۀ پنځوس او سعد مسعود څلور پنځوس رنز جوړ کړي وو، کپتان محمد رضوان په نهه رنز آؤټ شوې وو ۔
لاهور طرف نه حارث رؤف درې، شاهين شاه آفريدي او اسامه مير دوه، دوه وکټې په خپل نوم کړې وې ،د لاهور قلندرز فخر زمان شاندار څلور اتيا رنز جوړولو باندې د ميچ بهترين لوبغاړې ګرځولې شويدې ۔
