د پاکستان سُپر ليګ يوولسم ايډيشن ټرافي پېښور زلمي په خپل نوم کړې، د زلمي کپتان بابراعظم د تورنامنټ بهترين بېټر ، فرحان يوسف بهترين فيلډر، سفيان مقيم د ليګ بهترين بولر او کوسال مينډس بهترين وکټ کيپر ګرځولې شويدي، حيدر آباد کنګز مېن ته د ټورنامنټ سپرټ آف دي کرکټ ايوارډ او حُنين شاه ته ايمرجنګ پليئر آف دي ټورنامنټ انعام ورکړې شوې، د اسلام آباد کپتان شاداب خان ته د بهترين آل راؤنډر اعزاز ورکړې شويدې ۔
د پاکستان سُپر ليګ فائنل ميچ نه پس نه پس ټورنامنټ کښې بهترين کارکردګۍ باندې لوبغاړو ته انعامونه ورکړې شوي ، چې پکښې زياتره د پېښور زلمي لوبغاړو ته ميلاؤ شويدي ۔
ټرافي ګټلو سره سم د پيښور زلمي لوبغاړو کښې ايرون هارډي د ميچ بهترين لوبغاړې ګرځولې شوې، کپتان بابراعظم ته پنځه سوه، اتۀ اتيا رنز جوړولو باندې د ټورنامنټ بهترين بېټر اعزاز ورکړې شويدې ،بابراعظم ته په دې موقع ګولډن بېټ او حنيف محمد کېپ هم په ډالۍ کښې ورکړې شويدې ۔
د پېښور زلمي فرحان يوسف ته د بهترين فيلډر، سفيان مقيم دوه ويشت وکټې اخستو باندې د ليګ بهترين بولر او کوسال مينډس بهترين وکټ کيپر ګرځولې شويدي ۔
د پي ايس ايل رنر اَپ ټيم حيدر آباد کنګز مېن ته د ټورنامنټ سپرټ آف دي کرکټ ايوارډ او حُنين شاه ته ايمرجنګ پليئر آف دي ټورنامنټ انعام ورکړې شوې ،دغه شان د اسلام آباد يونائټډ کپتان شاداب خان ته دټورنامنټ بهترين آل راؤنډر اعزاز ورکړې شويدې ۔
