دوئم ټيسټ کښې پاکستان په اتۀ ويسټ انډيز ته شکست ورکړې او سيريز ئې يو، يو سره برابر کړيدې، د کوربه ټيم پنځه اوويا رنز هدف قامي ټيم دوه وکټو په زيان پورا کړي او ميچ ئې ګټلې دې، عبدالله شفيق په څليريشت او کپتان بابراعظم هم په څليريشت رنز ناټ آؤټ پاتې شويدي ، شاندار بيټنګ باندې د پاکستان عبدالله شفيق د ميچ بهترين لوبغاړې ګرځولې شويدې ۔
پورټ آف سپېن کښې لوبيدلې دوئم ټيسټ ميچ کښې پاکستان په اتۀ وکټو ويسټ انډيز ته شکست ورکړې او د دوه ميچونو سيريز ئې يو، يو سره برابر کړېدې ۔
قامي ټيم د ويسټ انډيز د پنځه اوويا رنز هدف دوه وکټو په زيان پورا کړې او ميچ ئې ګټلې دې ،د ميچ په څلورمه ورځ ټول کوربه ټيم صرف په يو سل اوولس رنز آؤټ شوې ، او پاکستان ته ئې ګټې لپاره د پنځه اوويا رنز هدف ورکړې وو ۔
پاکستان طرف نه ساجد خان او علي عثمان شاندار بولنګ کړې او څلور ، څلور وکټې ئې اخستي او محمد علي يو وکټ په خپل نوم کړې ده ۔
ويسټ انډيز اولني اننګز کښې درې سوه، څلور څلويښت رنز جوړ کړي وو د کوم جواب کښې چې قامي ټيم درې سوه اووۀ اتيا رنز جوړ کړي وو، شاندار بيټنګ باندې د پاکستان عبدالله شفيق د ميچ بهترين لوبغاړې ګرځولې شويدې ۔
