داخله وزير محسن نقوي وئيلي دي چې د خېبر پښتونخو ا وزیر اعلیٰ سهيل آفريدي مذاکرات ختمولو کوشش کړې، اپوزيشن سره مذاکراتو کښې په زياتره څيزونو اتفاق شوې وو، يو دوه معاملو باندې اختلاف وو ، داخله وزير مطابق چې کله مذاکرات ختم شو ، چې کله زۀ صدر مملکت سره ملاقات وروستو واپس راغلم، نو د لوظنامې ډرافټ کښې تبديلۍ شوې وې، څلور ځله ډرافټ جوړ شوې وو او څلور ځله پکښې تبديلۍ شوې وې ۔
لاهور کښې خبري غونډې ته وينا کښې داخله وزير محسن نقوي اووئيل چې اپوزيشن وفد ډير په ښۀ طريقه مذاکراتو کښې برخه اخستې وه، او د مسئلو حل کولو کوشش ئې هم کړې، مذاکراتو کښې فريقينو چې کوم څيزونه ترلاسه کولې شو، په هغې ټولو اتفاق شوې وو، او لوظنامه هم تياره شوې وه ۔
محسن نقوي مخکښې اووئيل چې بيا زۀ د لوظنامې کاپۍ سره ايوان صدر ته لاړم، او صدر مملکت او وزيراعظم مې په دغۀ لوظنامه اعتماد کښې هم اخستې وو ۔
وفاقي وزير اووئيل چې مذاکراتو دوران دوه څيزونو باندې د فريقينو اختلاف وو، او نهه نوي فيصد معاملاتو باندې اتفاق هم شوې وو، چې کله ايوان صدر نه واپس راغلم، نو د لوظنامې ډرافت کښې تبديلۍ شوې وې، څلور ځله ډرافټ تيار شو او څلور ځله پکښې تبديلۍ اوکړې شوې ۔
هغه زياته کړې چې مونږ د اپوزيشن جماعتونو وفد ته اووئيل چې د دوي فيصلې سهيل آفريدي کولې نو بيا دې هغه په خپله مذاکراتو ته هم راغلې وې، ډرافت فائنل کيدو نه پس وزیر اعلیٰ سهيل آفريدي د ډرافت منلو نه انکار اوکړو، او د مذاکراتو سبوتاث کولو کوشش ئې اوکړو ۔
داخه وزير مطابق کۀ چرې مونږ ته معلومه وه چې صوبائي حکومت به دا مذاکرات ويټو کوي نو بيا به مونږ بيخي مذاکرات نۀ کول، چې کله غير سنجيده او ناپوهه خلق داسې اهم څوکو باندې کښينولې شي نو بيا د دې نقصان ملک ته رسيږي ۔
په دې موقع محسن نقوي اعلان کړې چې دې نه پس به اپوزيشن سره بيخې مذاکرات نۀ کيږي، مونږ به يو صورت کښې چا ته د نهمې مئي په شان پيښو اجازت ورنۀ کړو، وفاقي حکومت به د اسلام آباد هائيکورټ فيصله يقيني کوي، او کۀ چرې څه قسمه نقصان کيږي نو د دې ذمه وار به وزیر اعلیٰ سهيل آفريدي وي ۔
