د نهمې مئي پيښو درې کاله پورا شوي، په دې موقع د پنجاب پوليس د مقدمو او عدالتونو د کاروائيانو تفصيلي رپورټ جاري کړېدې، رپورټ کښې وئيلي شوي چې باني پي ټي آئي او د پارټۍ مرکزي قيادت مرکزي ملزمان دي، رپورټ ترمخه دغه پيښو خلاف درې سوه نورلس مقدمې درج شوي ، چې پکښې شپږ ويشت زره پورې ملزمان نامزد شوي يوولس زره نه زيات نيولي شويدي ۔
لاهور: د نهمې مئي درې کاله پوراکيدو په موقع جاري شوې رپورټ کښې پنجاب پوليس وئيلي چې درې سوه ، نورلس مقدماتو کښې د درې سوه، اووۀ مقدمو چالان عدالتونو کښې پيش کړې شوې، او دولس چالان لاهم د ځنډ ښکاري دي ۔
رپورټ کښې وئيلي شوي چې باني پي ټي آئي او د پارټې ټول قيادت د نهمې مئي پيښو مرکزي ملزمان دي ، اوسه پورې صرف د دوه ويشت مقدمو فيصله اورولې شوې ۔
پوليس رپورټ ترمخه نهمې مئي مقدمو کښې د پي ټي آئي پنجاب يو شمير مشرانو ته سزاګانې شوي او اوس هم يو شمير کيسونه د ځنډ ښکار دي، چې لوجې ئې يوشمير ملزمانو ته لا هم سزاګانې نۀ دي شوي ۔
پوليس خپل رپورټ کښې دا هم وئيلي چې پنډۍ کښې جي ايچ کيو ګيټ ون او ګيټ فور پشمول دولس کيسز زير التوا دي ، او يو شمير ملزمانو باندې يوولس کيسز کښې فردِ جرم هم تردې دمه نۀ دې لګيدلې ۔
