آپريشن بنيان مرصوص معرکه حق يو کال پورا کيدو په موقع اسلام آباد کښې يوه خصوصي دستوره شوې ، وزيراعظم هر کال لسمه مئى ته يوم معرکه حق نوم ورکولو اعلان کړېدې،صدر آصف على زردارى ټول قام ته په دې کاميابۍ اومبارکي ورکړې او وئيلي ئې دى چې دا کاميابي د فيلډمارشل جرات مندانه فيصلو لوجې ترلاسه شوې ۔
اسلام آباد: آپريشن بنيان مرصوص معرکه حق يو کال په پوره کيدو اسلام اباد کښې يوه خصوصى دستوره شوې ، دستوره کښې صدر مملکت آصف على زردارى ، وزيراعظم شهبازشريف او فيلډمارشل سيد عاصم منير سره سره د مسلح افواج سربراهانو، وفاقي وزيرانو، غير ملکي سفيرانو او نور متعلقه چاراکو ګڼ شمير کښې ګډون کړېدې ۔
دستورې ته وينا کښې صدر مملکت آصف علي زرداري خصوصي دستورې ته خطاب دوران اووئيل چې لسمه مئى به تاريخ کښې تل ياد ساتلې شي او ټول قام په دې کاميابۍ فخر کوي ۔
صدر مملکت آصف على زردارى ټول قام ته په دې کاميابى اومبارکى ورکړې او وئيلي دي چې فيلډمارشل سيد عاصم منير مشرۍ کښې پاکستاني افواج ډير مهارت سره بهارت ته شکست ورکړې او کاميابي ئې ترلاسه کړېده ۔
صدر آصف على زردارى اووئيل چې پاکستانى افواج د بهارت اتۀ جديد جنګي جهازونه تباه کړي او پاکستان به د کشميري اولس سفارتي ، سياسي او اخلاقي حمايت هميشه جاري ساتي ۔
بلخوا د وزيراعظم شهبازشريف په خواست دستوره کښې د وطن دفاع لپاره قربانۍ ورکونکو لپاره د يو منټ خاموشي هم خپله کړې شوې وه ۔
دستورې ته وزيراعظم شهبازشريف اووئيل مونږ د شکر سجده ادا کوؤ چې الله پاک مونږ ته په معرکه حق کښې ګټه راکړه ، وطن دفاع لپاره قربانۍ ورکونکو ته خراج تحسين وړاندې کوؤ ۔
وزيراعظم شهبازشريف اووئيل چې هر کال به په لسمه مئى يوم معرکه حق جوش و جذبې سره مانځلې شي او لسمه مئى ته د يوم معرکه حق نوم ورکولو اعلان ئې هم کړېدې ۔
