پاکستان يو ځل بيا د نړۍ د امن کوربه جوړ شويدې، اسلام آباد مذاکراتو کښې شرکت لپاره د ايراني خارجه وزير عباس عراقچي مشرۍ د ايران وفد اسلام آباد ته رارسيدلې دې، نائب وزيراعظم اسحاق ډار او فيلډ مارشل سيد عاصم منير پشمول نورو مشرانو د ايراني وفد تود هرکلې کړېدې،بلخوا د امريکې وفد به نن واشنګټن نه پاکستان ته راروانيږي ۔
د خارجه دفتر ترجمان وئيلي دي چې اسلام آباد کښې امريکې سره مذاکراتو کښې شرکت لپاره د ايراني خارجه وزير عباس عراقچي مشرۍ کښې د ايران اعلیٰ پائې وفد سرښار اسلام آباد ته رارسيدلې دې ۔
د خارجه دفتر ترجمان وئيلي چې نائب وزيراعظم اسحاق ډار، فيلډ مارشل سيد عاصم منير او نور چارواکو د ايراني وفد تود هرکلې کړېدې ۔
دفتر خارجه مطابق ايراني خارجه وزير عباس عراقچي به د پاکستان اهم چارواکو سره ملاقاتونه کوي، چې پکښې امريکې سره مذاکراتو پشمول نورو اهمو چارو باندې خبرې کيږي ۔
بلخوا وائټ هاؤس تصديق کړې چې اسلام آبادکښې ايران سره مذاکراتو لپاره د امريکې وفد نن واشنګټن نه پاکستان ته راروانيږي،امريکائي وفد کښې به سټيو وِټکوف اور جيرډ کشنر موجود وي ۔
