ايشين ګېمز کرکټ فائنل کښې بهارت په نورلس رنز پاکستان ته شکست ورکړے او د ايونټ ګولډ ميډل ئې په خپل نوم کړې دې، پاکستان د هند لخوا ورکړې شوې دوه سوه دولس رنز هدف په تعاقب کښې په يو سل دوه نوي رنز آؤټ شوې او فائنل ئې بيللې ده ۔
د دوه سوه دولس رنز هدف په تعاقب کښې د پاکستان اننګز شروعات ښۀ نۀ وو، صاحبزاده فرحان لس، معاذ صداقت درې ويشت او عثمان خان صرف درې رنزونه جوړ کړي وو ۔
حسن نواز شاندار بيټنګ کړې وو او شپږ څلوېښت بالونو باندې ئې نهه شپيتۀ رنز ئې جوړ کړي وو ۔
تر دې وړاندې بهارت ټاس ګټلې وو او د وړومبي بيټنګ فيصله ئې کړې وه، ابهيشک شرما اتۀ ويشت بالونو باندې يو شپيتۀ رنز جوړ سکور کړې وو، تلک ورما په شل بالونو ئې ففټي مکمل کړې وه ۔
بهارت په مقرر شل اوورونو کښې د شپږ لوبغاړو په آؤټ کېدو دوه سوه يوولس رنزونه جوړ کړي وو، د پاکستان لخوا عرفات منهاس او احمد دانيال دوه دوه، ابرار احمد او صائم ايوب يو يو وکټ اخستې وې ۔
