د آئي سي سي ويمنز ټي ټوئنټي ورلډکپ اهم ميچ کښې بهارتي ټيم په څلور شپيتۀ رنز پاکستان ته شکست ورکړېدې ،د بهارت د يوسل،يو اوويا رنز هدف تعاقب کښې قامي ټيم اوولس اوورز کښې يو سل شپږ رنز باندې آؤټ شوې، او ميچ ئې بيللې دې ۔
برمنګهم کرکټ کښې لوبيدلې د ويمنز ټي ټوينټي ورلډ کپ شپږم ميچ کښې بهارتي ټيم ټاس ګټلو نه پس اول په خپله د بېټنګ فيصله کړې وه ۔
بهارتي ټيم مقرره شل اوورز کښې شپږ وکټو په زيان يوسل اوويا رنز جوړ کړې ، چې پکښې ټولو نه زيات سمرتي مندهانا اتۀ شپيتۀ، هرمن پريت کور شپږ ديرش او رچا ګوش څلور ديرش رنز جوړ کړي دي ۔
پاکستان طرف نه سعديه اقبال او فاطمه ثنا دوه، دوه، تسميه رُباب او رمين شميم يو ، يو وکټ په خپل نوم کړې ده ۔
د مقرره هدف په تعاقب کښې د پاکستان ويمنز ټول ټيم اوولس اوورز کښې آؤټ شوې او په څلور شپيتۀ رنز ئې ميچ بيللې دې ۔
پاکستان طرف نه ټولو نه زيات منيبه علي يو څلويښت، عاليه رياض اتلس، ګل فيروزه او عائشه ظفر، دولس ، دولس رنز جوړ کړي وو ۔
پنځه وکټې اخستو او دولس رنز جوړولو باندې د بهارت ديپتي شرما د ميچ بهترين لوبغاړې ګرځولې شويده ۔
