د مومند ضلعې د يکه غنډ تحصيل کښې د پوليس په ګاډي د نامعلومو وسله والو ډزو کښې اېډيشنل اېس اېچ او ، او يو هېډ کانسټېبل شهيدان شوي، ډزو کښې ډرايور سخت ژوبل شوې دې ۔
مومند: د پوليس دمعلوماتو له مخې د مومند ضلعې د لوئر سب ډويژن د يکه غنډ تحصيل په عقرب ډاګ سيمه کښې د يکه غنډ پوليس د ګشت په دوران نامعلومه وسله والو حمله کړي ۔
پوليس چارواکو وئيلي چې حمله کښې د يکه غنډ تهاڼې اېډيشنل اېس اېچ او زيت الله او هېډ کانسټېبل زاهد په موقع شهيدان شوي او ډرائيور کانسټېبل ظاهر الله سخت ژوبل شوې دې ۔
د پېښې وروسته د پوليس درنه نفري سمدستي سيمې ته رسيدلې او ټوله سيمه ئې په خپله ولقه کښې اخيستي وه، او د شرخوښو لټوني عمليات ئې پيل کړيدي ۔
د دواړو پوليس افسرانو جنازه غلنۍ کښې ادا کړې شوې چې پکښې سياسي مشرانو، قبائلي عمائدينو ،د پوليس او انتظاميې افسران ګڼ شمير کېښ ګډون کړېدې ۔
