وزيراعظم شهبازشريف وئيلي دي چې د فيلډ عاصم منير کوششونه به خطه کښې د پائيدار امن وجه جوړه شي، امن قيام سره به خطه کښې خوشحالي راشي او د بے روزګارۍ خاتمه به هم اوشي ، پاکستان علما کونسل ته وينا کښې وزيراعظم وئيلي چې اسلام د امن دين دي،څه هم چې مسئلې دي هغه به حل کولي شي، ايران او امريکې قيادت مننه کوم چي زمونږ په بلنه اسلام آباد ته راغلې وو ۔
اسلام آباد کښې پاکستان علما کونسل سيوري لاندي بين لاقوامي پيغام اسلام کانفرنس ته خطاب کښې وزيراعظم وئيلي چې د حرمين شريفين دفاع کول د خپل ځان نه هم زياته عزيزه ده ۔
وزيراعظم اووئيل چې پاکستان د سعودي ولي عهد محمد بن سلمان، برادر ملک چين او ترکيه شکريه ادا کوي چې امريکې او ايران جنګ اودرولو لپاره ئې د پاکستان امن مذاکراتو کوششونو کښې برخه اخستې ده ۔
د هغه وينا وه چې فيلډ مارشل عاصم منير دواړه ملکونه ميز ته راوستو کښې اهم کردار ادا کړې ، د فيلډ مارشل منطقه کښې امن بحالۍ لپاره کوششونه اوس هم جاري دي ۔
وزيراعظم زياته کړې چې د دواړو ملکونو قيادت زمونږ دعوت باندې اسلام آباد ته راغلي، يو بل ته مخامخ ناست دي ، او اووۀ څلويښت کاله پس ئې مذاکرات هم کړېدي ۔
