اسلام آباد: د خارجه دفتر ترجمان شفقت علي وئيلي دي چې وفاقي حکومت د صحافيانو د اسرائيل دورې نوټس اخستې، پاکستاني پاسپورټ باندې واضحه الفاظ کښې ليکلې شوي چې دا د اسرائيل لپاره کارآمد نۀ دې ۔
شفقت علي خان اووئيل چې د پاکستان قوانين تحت داسې دوره ممکن نۀ ده، او نۀ د پاکستان د اسرائيل په حواله موقف بدل شويدې ۔
د خارجه دفتر ترجمان خپل يو بيان کښې وئيلي چې پاکستان اسرائيل چرې هم نۀ تسليموي، د فلسطين آزاد رياست ، د فلسطيني اولس حقوق او فلسطيني رياست قيام مکمل حمايت کوو ۔
هغه اووئيل چې پاکستان د دې خبرې هم مکمل حمايت کوي چې د آزاد او خومختار فلسطين دارالحکومت به القدس الشريف وي ۔
ترجمان زياته کړې چې پاکستان د فلسطين د خلقو د خواهشاتو هم مکمل حمايت کوي او دې لړ کښې د فلسطين د مسئلې منصفانه حل او غير متزلزل عزم اعاده کوي ۔
