بنګله ديش وړومبي ون ډے ميچ کښې پاکستان ته په اتۀ وکټو شکست ورکړې، او درې ميچونو سيريز کښې ئې يو صفر سره برتري ترلاسه کړېده، د پاکستان يوسل پنځلس رنز هدف کوربه ټيم شپاړسم اوور کښې دوه وکټو په زيان مکمل کړې،او ميچ ئې ګټلې دې، بنګله ديش طرف نه تنزيد حسن شاندار اووۀ شپيته رنز جوړ کړي او ناټ آؤټ پاتې شويدې ۔
ډهاکه کرکټ ګراونډ کښې لوبيدلې اولني ون ډے ميچ کښې پاکستان اول بيټنګ کړې وو او ټول بېټر يو ځل بيا ناکامه شوي دي ۔
قامي ټيم يو ديرشم اوور کښې يو سل څوارلس رنز باندې آؤټ شوې، چې پکښې ټولو نه زيات فهيم اشرف اووۀ ديرش او صاحبزاده فرحان اووۀ ويشت رنز جوړ کړي ۔
معاذ سعادت اتلس، محمد رضوان لس، شامل حسين څلور، سلمان آغا پنځه، حسين طلعت او شاهين شاه آفريدي څلور،څلور او عبدالصمد په صفر آؤټ شوې وو ۔
بنګله ديش طرف نه ناهيد رانا شاندار بولنګ کړې او پنځه وکټې ئې اخستي دي، مهدي حسن مرزا درې وکتې په خپل نوم کړې وې ۔
بنګله ديش ټيم مقرره هدف شپاړسم اوور کښې دوه وکټو په زيان پورا کړې او ميچ ئې آسانۍ سره ګټلې دې ۔
بنګله ديش طرف نه تنزيد حسن اووۀ شپيتۀ او نجم الحسين اووۀ ويشت رنز جوړ کړي وو ، د پاکستان شاهين شاه آفريدي او محمد وسيم يو، يو وکټ په خپل نوم کړې وه,درې ميچونو باندې مشتمل د ون ډے سيريز دوئم ميچ به د جمعې په ورځ لوبيږي ۔
