اسلام آباد: وفاقي وزارت خزانه طرف نه جاري نوټيفيکيشن کښې وئيلي شوي چې د پټرولو او هائي سپيډ ډيزلو نرخ کېښ لټر په سر د کمي اعلان شويدې ۔
نوټي فکيشن کښې وئيلي شوي چې د پټرول په نرخ کښې في لټر دوه روپې کمې، شوې، چې ورسره د پټرول نوې قيمت في لټر دوه سوه، دوه پنځوس روپې او دري شپيتۀ پيسې مقرر شويدې ۔
نوټيفيکيشن کښې وئيلي شوي چې د هائي سپيډ ډيزل قيمت کښې هم في لټر دوه روپې کمې شوې او د دې نوې نرخ في لټر دوه سوه، شپږ پنځوس روپې او څلور شپيتۀ پيسې مقرر شوې دې ۔
د خزانې وفاقي وزارت مخکښې وئيلي چې حکومت د اوګرا او متعلقه وزارتونو د تجاويز په بنياد راتلونکي پنځلس ورځو لپاره د پټروليم مصنوعاتو په قيمت کښې د کمي اعلان کړېدې ۔
نوټيفيکيشن کښې دا هم وئيلي شوي چې د پټروليم مصنوعاتو د نوې قيمت اطلاق د شپې دولس بجو نه پس شوې او دا نرخ به راتلونکي پنځلس ورځو پورې چليږي ۔
