د پاکستان سُپرليګ لسم ايډيشن په نورلسم ميچ کښې د لاهور قلندرز دوه سوه لس رنز هدف په تعاقب کښې د اسلام آباد يونائټډ ټول ټيم يو سل ، يويشت رنز باندې آؤټ شوې او ميچ ئې په اتۀ اتيا رنز بيللې دې ۔
لاهور کښې لوبيدلې ميچ کښې اسلام آباد يونائټډ د ټاس ګټلو نه پس د فيلډنګ فيصله کړې وه، لاهور قلندرز مقرره اوورونو کښې شپږ وکټو په زيان دوه سوه لس رنز جوړ کړي وو، چې پکښې فخر زمان څلور څلويښت، سکندر رضا نهه ديرش،ډيرل مچل اتۀ ويشت،محمد نعيم پنځه ويشت او عبدالله شفيق دوه ويشت رنز باندې آؤټ شوي وو ۔
اسلام آباد يونائټد طرف نه عماد وسيم او جيسن هولډر دوه ، دوه او ډوار شوئس يو وکټ په خپل نوم کړې وه ۔
د مقرره هدف په تعاقب کښې د اسلام آباد يونائټډ ټول ټيم اوولسم اوور کښې يوسل يويشت رنز باندې آؤټ شوې، چې پکښې ټولو نه زيات ايندرس ګوس يو څلويښت، سلمان آغا شپږ ديرش او نسيم شاه يوولس رنز باندې آؤټ شوي وو ۔
لاهور قلندرز طرف نه حارث رؤف څلور، سکندر رضا درې، شاهين شاه آفريدي، آصف آفريدي او ټام کرن يو، يو وکټ په خپل نوم کړې وې ،شاندار آل راؤنډ کارکردګۍ باندې سکندر رضا د ميچ بهترين لوبغاړې ګرځولې شويدې ۔
