داخله وزير محسن نقوي وئيلي دي چې د اسلام آباد هائيکورټ د فيصلې خلاف ورزي به په هيڅ صورت برداشت نۀ کړې شي اود فيصلې خلاف ورزي کونکو خلاف به قانوني کاروائي کولې شي، محسن نقوي سياسي قيادت ته اپيل کړې چې احتجاج دې په خپلو سيمو او ښارونو کښې اوکړي او په وزيراعلیٰ خېبر پښتونخوا ئې غږ کړې چې سهيل آفريدي ته دترهه ګرۍ خلاف کاروائيو باندې توجه ورکول ضروري دي ۔
وفاقي وزير داخله محسن نقوي د وزير مملکت برائے داخله طلال چودهري او نور مشرانو سره شريکې خبري غونډې ته ويان په وخت وئيلي چې د اسلام آباد هائيکورټ د فيصلي خلاف ورزي به په هيڅ صورت برداشت نۀ کړې شي ۔
د هغه وينا وه چې د پي ټي آئي اسلام آباد مارچ په اړه د هائيکورټ د نن ورځې فيصله مهمه ده او ټولو لا انفورسمنټ ادارو ته واضحه هدايات ورکړې شوي چې د سړکونو بندولو په صورت کښې به دوي خاموش نۀ پاتې کيږي۔
محسن نقوي اووئيل چې کۀ څوک اسلام آباد ته د راتلو هڅه اوکړي او د عدالت د فيصلي خلاف ورزي اوکړي، نو د دوي خلاف به د توهين عدالت قانوني کارروائي کولې شي او د قانون مطابق به دوي اودرولې شي ۔
وزير داخله محسن نقوي سياسي قيادت ته اپيل کړې چې احتجاج کول غواړي نو په خپلو سيمو او ښارونو کښې دې اوکړي، خو وفاقي دارالحکومت بندولو يا بل صوبې ته د دې مقصد لپاره د تګ اجازت نۀ شي ورکولې ۔
محسن نقوي په کوهاټ کښې د ترهه ګرۍ د پيښې ذکر کولو سره وئيلي چې په خيبرپښتونخوا کښې هره ورځ د ترهه ګرۍ پيښې رامخې ته کيږې او دې خلاف جنګ روان دے ۔
داخله وزير مخکښې اووئيل چې موجوده صورتحال کښې وزيراعلیٰ خيبر پښتونخوا سهيل آفريدي ته د ترهه ګرۍ خلاف کارروائيانو ته توجه ورکول ضروري دي ۔
