د ويمنز ټي ټوينټي ورلډ کپ اولني سيمي فائنل کښې آسټريليا په اتۀ وکټو ويسټ انډيز ته شکست ورکړې ، او د ميګا ايونټ فائنل ته ئې کواليفائي کړېده، د ويسټ انډيز د يوسل، شپږ ويشت رنز هدف آسټريليا ديارلس اوورز کښې دوه وکټو په زيان پورا کړېدې، آل راؤنډ کارکردګۍ باندې ايشلي ګارډنر د ميچ بهترين لوبغاړې ګرځولې شويده ۔
اوول ګراؤنډ کښې لوبيدلې د ويمنز ټي ټوينټي اولني سيمي فائنل کښې ويسټ انډېز اول بېټنګ کړې وو او مقرره اوورز کښې ئې اووۀ وکټو په زيان يو سل پنځه ويشت رنز جوړ کړي وو ۔
ويسټ انډيز طرف نه هيلي ميتهيوز ټول نه زيات ديرش او ديندرا ډاټن شپږ ويشت رنز جوړ کړي وو ، د آسټريليا صوفي مولي نيوکس، ايشلي ګارډنر او جارجيا واري هام دوه ، دوه وکټې په خپل نوم کړې وې ۔
د يوسل، شپږ ويشت رنز هدف آسټريليا ديارلس اوورز کښې دوه وکټو په زيان پورا کړې، او سيمي فائنل ګټلو سره ئې د ايونټ فائنل ته هم کواليفائي کړيده ۔
آسټريليا طرف نه بيت موني يوشپيتۀ او ايشلي ګارډنر جارحانه پنځه ديرش رنز جوړ کړي او ناټ آؤټ پاتې شويدي، آل راؤنډ کارکردګۍ باندې ايشلي ګارډنر د ميچ بهترين لوبغاړې ګرځولې شويده ۔
دوئم سيمي فائنل به په دوئمه جولائۍ د جنوبي افريقې او انګلينډ ټيمونو ترمينځ لوبيږي، دا ميچ ګټونکې ټيم به اتوار په ورځ د آسټريليا ويمنز ټيم سره فائنل کښې مقابله کوي ۔
