صدر مملکت آصف علي زرداري وئيلي چې د وزيراعظم او فيلډمارشل کوششونو سره پاکستان په خطه کښې د توازن او استحکام علامت ګرځيدلې ، د فيلډ مارشل په قيادت ، حکمت عملۍ او جرات مندانه فيصلو معرکه حق کاميابۍ کښې مهم کردار دې، بلخو وزيراعظم شهبازشريف وئيلي دي چې معرکه حق د الله تعالې يو شمير انعاماتو باندې سجده شکر ادا کولو ورځ ده، پاکستان دښمن ته عبرتناک شکست ورکړې وو، شهدا، او غازي د فولادي ديوال په شان وطن دفاع لپاره ولاړ وو ۔
صدر مملکت آصف علي زرداري د معرکه حق وړومبې سالګرې په موقع خپل پېغام کښې وئيلي چې د وزيراعظم شهبازشريف او فيلډمارشل سيد عاصم منير کوششونو سره پاکستان خطه کښې د توازن او استحکام علامت ګرځيدلې ۔
صدر مملکت د معرکه حق وړومبى سالګرې په موقع قام او مسلح افواج ته خراج تحسين وړاندې کړې او وئيلي دي چې فيلډمارشل سيد عاصم منير قيادت ، حکمت عملى او جرات مندانه فيصلو معرکه حق کاميابۍ کښې ډير لوئې کردار دې ۔
صدر آصف على زرداري د پاک فضائيه سربراه ايئرچيف مارشل ظهير احمد بابر سدهو او پاک فضائيه شاهينو غيرمعمولى مهارت او پېشه ورانه صلاحيتونه ستائلي دي ۔
صدر د پاک بحريه سربراه ايډمرل نويد اشرف او بحرى ځواکونو مکمل آپريشنل تياري او دفاعى صلاحيتونه قامي سلامتې لپاره قابل فخر ګرځولي دي ۔
بلخواد معرکه حق کاميابې يو کال پوره کيدو باندې وزيراعظم شهبازشريف پيغام کښې وئيلي چې معرکه حق د الله تعالیٰ يو شمير انعاماتو باندې سجده شکر ادا کولو ورځ ده، پاکستان دښمن ته عبرتناک شکست ورکړې وو، شهدا، او غازي د فولادي ديوال په شان وطن دفاع لپاره ولاړ وو ۔
هغه اووئيل چې د پاکستان مسلح افواج مربوط او منظم ردعمل لوجې ملک يو ناقابل تسخير قوت په توګه مخې ته راغلې دې، قام امن پسند سره سره بهادر، باوقار او غيرت مند دې او هر قسمه جارحيت به چرې هم تسليم نۀ کړي ،معرکه حق کښې د دښمن بلا اشتعال جارحيت فيصله کن جواب ورکړې شوېدې ۔
وزيراعظم په خپل پيغام کښې فيلډ مارشل، ايئر چيف مارشل او نيول چيف ته هم خراج تحسين وړاندې کړې، او وئيلي دي چې د پاکستان دفاع لپاره به د هر جارحيت فوري او موثر جواب ورکولې شي، پاکستان د فتنه الهندوستان مکمل خاتمې لپاره پرعزم دې ۔
وزيراعظم دا هم اوئيل چې کشمير شخړه د اقوام متحده قراردادونو مطابق حل کيدل پکار دې، پاکستان به د کشميريانو حق خوداراديت حمايت جاري ساتي،پاکستان د عالمي امن او استحکام لپاره مهم کردار لوبوي، امريکا، ايران شخړې کښې د پاکستان سفارتي کوششونه په عالمي کچ ستائيلي شويدي ۔
