د معرکه حق وړومبې سالګره د جشن فتح په مناسبت جي ايچ کيو کښې خصوصي دستوره شوې،دستورې ته وينا په وخت فيلډ مارشل عاصم منير وئيلي دي چې معرکه حق د دوه ملکونو جنګ نۀ وو بلکه د دوه نظرياتو ترمينځ معرکه وه چې پکښې د قامي اتحاد د لارې بهارت له د هغوي د اندازو نه سيوا غاښ ماتې جواب ورکړې شوې وو ۔
پنډۍ: د معرکه حق خصوصي دستورې په موقع فیلډ مارشل آرمي چيف او چيف ډيفنس فورسز سيد عاصم منير او نورو مشرانو د شهيدانو په يادګار ګلونه کېښودل او فاتحه خواني ئې کړې ده ۔
فيلډ مارشل عاصم منير د ترهه ګرۍ خلاف جنګ کښې د خېبر پښتونخوا او بلوچستان اولس د قربانو ستائينه کړې، وئيلي ئي دي چې دا ترهه ګري نه صرف د بهارت نه بلکه د افغانستان د خاورې نه هم کيږي ۔
فيلډمارشل افغان حکومت نه په دغه خاوره د ترهه ګرو ټهکانې د ختمولو مطالبه کړيده، فيلډ مارشل عاصم منير د ملک نه د ترهه ګرۍ جرړې د ختمولو د عزم اظهار هم کړېدې ۔
فیلډ مارشل سيد عاصم منير اووئيل چې نن ورځ د پاکستان لپاره د وياړ ډير فخر ورځ ده، ځکه يو کال وړاندې پاکستان لویه کاميابي ترلاسه کړې ده ۔
چيف آف ډيفنس فورسز عاصم منیر اووئيل چې معرکه حق يواځې د دوؤ ملکونو جهګړه نۀ وه، بلکه د حق او باطل ترمينځ فيصله کوونکې معرکه وه چې پکښې حق بريالې شوېدې ۔
هغۀ زياته کړې چې د کال دوه زره پينځه ويشتم په مئي مياشت کښې هند د پاکستان خلاف جارحيت کړې وو، خو پاکستاني ځواکونو ورته سخت جواب ورکولو سره تاريخي شکست هم ورکړېدې ۔
فیلډ مارشل مخکښې اووئيل چې پاکستان به هيڅ کله هم د هند خوب پوره نۀ کړي او د ملک دفاع اوس ناقابلِ تسخير ده، د هر بے ګناه پاکستان د وينې بدله به اخستې شي ۔
هغۀ دا هم اووئيل چې راتلونکو جهګړو کښې به ډرون، سائپر او آرټيفشل انټيليجنس اهم کردار ادا کوي او د دې لپاره د پاکستان فوج نوې انتظامات کړيدي ۔
سيد عاصم منير اووئيل چې کله هندي ميزائلونه راغورځېدل نو د پاکستان ولس د خپل وطن دفاع لپاره يو موټې شو، فيلډ مارشل په دې موقع د معرکه حق ټولو شهيدانو او غازيانو ته د عقيدت پېرزونې وړاندې کړې ۔
