اولني ټي ټوينټي کښې جنوبي افريقې په پنځه پنځوس رنز قومي ټيم ته شکست ورکړې او سيريز کښې ئې يو صفر سره برتري ترلاسه کړيده، د ميلمه ټيم د يو سل پنځه نوي رنز هدف جواب کښې پاکستان ټيم نورلسم اوور کښې په يو سل نهه ديرش رنز آؤټ شوې او ميچ ئې بيللې دې ۔
پنډۍ کرکټ سټيډيم کښې جاري ميچ کښې پاکستان د ټاس ګټلو نه پس جنوبي افريقې ته اول د بيټنګ کولو بلنه ورکړې وه ۔
جنوبي افريقې مقرره اوورز کښې نهه وکټو په زيان يو سل څلور نوي رنز جوړ کړي،چې پکښې ريزا هينډرکس ټولو نه زيات شپيتۀ رنز جوړ کړي وو ۔
د جنوبي افريقې نورو لوبغاړو کښې جيارجے لينډے شپږ ديرش ، ټوني ډې زوزے دري ديرش او کوانټن ډي کوک دري ويشت رنز جوړولو نه پاس آؤټ شوي وو ۔
پاکستان طرف نه محمد نواز درې، صائم ايوب دوه، شاهين شاه آفريدي، نسيم شاه او ابرار احمد يو، يو وکټ په خپل نوم کړې وه ۔
د مقرره هدف په تعاقب کښې قامي ټيم نورلسم اوور کښې په يو سل نهه ديرش رنز آؤټ شوې او ميچ ئې بيللې دې، پاکستان طرف نه ټولو نه زيات صائم ايوب اووه ديرش او محمد نواز شپږ ديرش رنز جوړ کړي وو ۔
صاحبزاده فرحان څليريشت، بابراعظم صفر، کپتان سلمان آغا دوه، عثمان خان دولس، حسن نواز درې، فهيم اشرف يو، شاهي آفريدي څلور اور نسيم شاه په نهه رنز آؤټ شوې وو ۔
جنوبي افريقې طرف نه کاربن بوچ څلور، جارجے لينډے درې او ليزاد ويليمز دوه وکټې په خپل نوم کړې وې ۔
