د خېبر پښتونخوا وزيراعلیٰ سهيل آفريدې يو وارې بيا د باني پي ټي آئي سره د ملاقات ناکام کوشش کړې، اډياله جيل ته د سهيل آفريدې په راتګ پي ټي آئي کارکنان په جهګړه شوي، سهيل آفريدي وائي چې کورکمانډر پيښور اومبارکې ته راغلې وو، دا څه سرکاري ملاقات نۀ وو، وزيراعلیٰ خېبرپښتونخوا د باني سره ملاقات اجازت نۀ ميلاويدو باندې توهين عدالت درخواست دائر کولو اعلان کړې ۔
پنډۍ (لياقت علي خټک) د خيبر پښتونخوا وزيراعلیٰ سهيل آفريدي اډياله جيل کښې د باني ټي آئي سره ملاقات کولو يو بل ناکام کوشش کړېدې، ملاقات کولو بغير واپس تلې دې، دې دوران د پي ټي آئي کارکنان په جهګړه شوې وو، يو بل ته ئې ديکې ورکړي او په يو بل ئې ګوزارونه هم کړيدي ۔
جهګړه د ډي آئي خان يو کارکن د وزیراعلیٰ سره ملاقات کوشش او ويډيو جوړولو دوران شويده،کارکنانو دغه کارکن د علي امين ګنډاپور کس ګرځولې دې ۔
په دې موقع ميډيا سره خبرو کښې وزيراعلیٰ سهيل آفريدي اووئيل چې کور کمانډر پيښور اومبارکې ته راغلې وو، دا څه سرکاري ملاقات نۀ وو،د صوبې چيف ايګزيکټو يم، هر څوک زما دفتر ته راتلې شي،زمونږ موقف يو دې،کوم چې مونږ دننه وائيو هغه بهر هم وائيو ۔
وزیراعلیٰ سهيل آفريدي اووئيل چې استنبول مذاکرات نه به خېبر پښتونخوا حکومت نېغ په نېغه متاثره کيږي، افغانستان سره مذاکراتو په حواله صوبائي حکومت اعتماد کښې نۀ دې اخستې شوې، چې څوک دغه مذاکرات کاميابولې شي،هغوي پکښې شاملول پکار دي ۔
وزيراعلیٰ سهيل آفريدي اعلان کړې چې باني سره د ملاقات اجازت نۀ راکولو خلاف به توهين عدالت درخواست دائر کولې شي ۔
