ويمنز ټي ټوينټي ورلډ کپ کښې پاکستان ټيم ته مسلسل دريم ميچ کښې هم شکست شويدې، د بنګله ديش يو سل، دري ويشت رنز جواب کښې قامي ټيم اتۀ وکټو په زيان سل رنز جوړ کړي او ميچ ئې په دري ويشت رنز بيللې دې، شاندار بېټنګ باندې د بنګله ديش شورنا اختر د ميچ بهترين لوبغاړې ګرځولې شويده .
د ويمنز ټي ټوينټي ورلډ کپ پنځلسم ميچ کښې بنګله ديش اول بېټنګ کړې وو او مقرره اوورز کښې ئې شپږ وکټو په زيان يو سل، دري ويشت رنز جوړ کړي وو .
بنګله ديش طرف نه ټولو نه زيات شورنا اختر نهه ديرش، نګار سلطانه شپږ ديرش او سبحانه مشتري دوه ويشت رنز باندې آؤټ شوي وو .
پاکستان طرف نه فاطمه ثنا دوه،سعديه اقبال، تسميه رُباب، نشریٰ سندهو او طوبیٰ حسن يو، يو وکټ اخستې دي .
د مقرره هدف په تعاقب کښې قامي ټيم مقرره شل اوورز کښې اتۀ وکټو په زيان سل رنز جوړ کړي او په دري ويشت رنز ئې ميچ بيللې دې .
پاکستان طرف نه ټولو نه زيات منيبه علي پنځه ويشت، ګل فيروزه دري ويشت، عائشه ظفر يوولس او کپتان فاطمه ثنا لس رنز باندې آؤټ شوي وو .
بنګله ديش لخوا سنجيده اختر او ناهيده اختر درې، درې وکټې په خپل نوم کړې دي ، شاندار بېټنګ باندې شورنا اختر د ميچ بهترين لوبغاړې ګرځولې شويده .
جاري ميګا ايونټ کښې قامي ټيم مسلسل دريم ميچ هم بيللې ، چې ورسره قامي ټيم ته روان ميګا ايونټ کښې وړاندې تلل ګران شويدي .
