د پاکستان ثالثۍ کښې د امريکې او ايران وفود ترمينځ سوئټزرلينډ کښې مذاکرات شروع شوي،مذاکراتي هال کښې جمع کيدو په موقع خپله وينا کښې وزيراعظم شهباز شريف وئيلي چې مونږ امن بحالۍ لپاره رايوځائې شوي يو،دا نړيوال امن لپاره اهم موقع ده، د صدر ټرمپ مدبرانه قيادت لوجې مذاکرات ممکن شوي،او دې کښې فيلډ مارشل عاصم منير اهم کردارادا کړې، د امريکې نائب صدر جے ډي وينس وئيلي چې فيلډمارشل بهترين سپه سالاردې،د پاکستان کردار د ستائنې وړ دې ۔
د امريکې او ايران ترمينځه د سوئټزرلينډ برګن سټاک کښې مذاکرات شروع شويدي، دې مذاکراتو کښې د امريکې لخوا نائب صدر جے ډي وينس ، د قامي سلامتيا مشير سټيو وټکوف او جيرډ کشنر موجود دي، د ايرانى وفد مشري د پارليمان سپيکر باقر قاليباف کوي او وفد کښې خارجه وزير عباس عراقچی هم شامل دې ۔
د پاکستان په وفد کښې وزيراعظم شهبازشريف،فيلډمارشل عاصم منير اور داخله وزير محسن نقوي شامل دي، ذرائعو وئىلي چې د فريقينو لخوا پاکستان ته د مذاکراتو د مشرۍ وړانديز شوې دې ۔
د مذاکراتى عمل آغاز نه وړاندې مذاکراتي هال ته جمع کيدو په موقع خپلو خبرو اترو کښې وزيراعظم شهبازشريف د امريکې صدر ډونلډټرمپ ستائنه کړې او زياته کړې ده چې د امريکائي صدر ډونلډ ټرمپ مدبرانه قيادت لوجې مذاکرات ممکن شويدي ۔
وزيراعظم شهبازشريف اووئيل چې دې ټول عمل دوران د فيلډ مارشل عاصم منير کردار هم د ستائنې وړ دې، چا چې مذاکرات ممکن کيدو دپاره ډير کوششونه کړيدي ۔
وزيراعظم شهبازشريف طمع څرګند کړې چې کله مونږ واپس ځو نو مونږ سره به د لوظنامې يو زبردست دستاويز موجود وي ۔
په دې موقع د امريکې نائب صدر جے ډي وينس هم يو وارې بيا د پاکستان وزيراعظم شهبازشريف او فيلډ مارشل عاصم منير ستائنه کړې او زياته کړې ده چې دې معامله کښې د دواړو شخصياتو کردار انتهائى شاندار دې ۔
نائب صدر جے ډي وينس ايران سره مذاکرات تاريخي ګرځولي او زياته کړې ده چې امريکه ايران سره خپل تعلقات کښې بنيادى بدلون ته تياره ده ۔
سوئټزرلينډ کښې ايران سره د مذاکراتو په موقع د پاکستانى او قطرى وفود سره په شريکه خبرو اترو دوران د امريکې نائب صدر وئيلي دي چې صدر ټرمپ خواهش لري کۀ چرې ايران خپل جوهرى عزائم پريښودو ته تيار شي او د علاقائي استحکام محرک جوړ شي نو امريکه ايران سره خپل د تعلقاتو نوعيت بدلون ته تياره ده ۔
جے ډي وينس مخکښې اووئيل چې مونږه تير څو ګهنټو دوران ښې خبرې اترې کړي او زۀ طمع لرم چې راتلونکي خبرو دوران هم نور پيشرفت اوشي ۔
بلخوا جے ډي ونيس په ډاګه کړې چې د تکينکى سطح مذاکراتو دوران ټول اختلافات نشي ختميدې، ولې د ټيمونو په سطح مونږ ته يو بل سره د ناستې تاريخى موقع په لاس راغلې ده ۔
