وزيراعظم شهبازشريف د سانحه سوات پشان پيښو مخنيوې لپاره مضبوط نظام جوړول ضروري ګرځولې، او وئيلي دي چې د سوات پيښه کښې قيمتي ځانونه ضائع شوي، په دې پيښه سياست نۀ بلکه ايماندارې سره د دې جاج اخېستل پکار دي،اين ډي ايم اے دې صوبو سره په شريکه لائحه عمل جوړ کړې چې بيا داسې پيښه مخې ته رانشي ۔
وزيراعظم شهبازشريف اسلام آباد کښې د نيشنل ايمرجنسيز آپريشنز سينټر دوره کړې، چرته چې هغه ته د پشکال بارانونو دوران ممکنه سيلاب صورتحال مخنيوي لپاره پورته کړې شوې اقدامات باندې تفصيلي بريفنګ ورکړې شويدې ۔
په دې موقع وزيراعظم شهبازشريف وئيلي دي سوات پيښه باندې سياست کولو په ځائې په صحيح معنو کښې د دې سانحے جاج اخستل ډير ضروري دي ۔
وزيراعظم اووئيل چې درې کاله وړاندې سيلاب پاکستان کښې لوئې نقصان کړې وو، تيار فصلونه پکښې تباه شوي وو، اين ډي ايم اے دغه سيلاب کښې اهم کردار ادا کړې وو ۔
وزيراعظم اووئيل چې سوات پيښۀ باندې ټول قام غمژن دې، داسې پيښو مخنيوي لپاره دې تول قام متحد شي ، ادارې دې په شريکه يو بل سره کوآرډينيشن اوکړي چې د داسې پيښو نه وړاندې بهترين اقدامات پورته کړې شي ۔
وزيراعظم زياته کړې چې بهارت اوبۀ د وسلې په توګه استعمالولو کوشش کوي،عالمي عدالت واضحه کړې چې هند يکطرفه معاهده نشي معطل کولې، او دا چې وفاقي حکومت آبي ذخائر کښې اضافې فيصله کړېده ۔
