د کوزجنوبي وزیرستان صدر مقام وانا په رستم بازار کښې د نصب کړې شوې بم چاودنه شوې، چې پکښې دوه پولیس اهلکار شهیدان شوي او اهلکارانو پشمول پنځه ویشت کسان ژوبل شويدي،ژوبل کسان ډي ايچ کيو وانا ته او دوه نازک حالت کښې ډېره اسماعيل خان ته منتقل کړې شويدي ۔
کوز جنوبي وزيرستان: د عیني شاهدينو وینا ترمخه چاودنه هاغه وخت اوشوه کله چې په بازار کښې د معمول مطابق د خلقو زیاته ګڼه ګوڼه وه ۔
چاودنې لوجې دوه پوليس اهلکارا شهيدان شوي، او اهلکارانو پشمول پنځه ويشت کسان سخت ژوبل شويدي، ځائي خلقو او ریسکیو ټیمونو په فوري توګه ژوبل کسان روغتون ته رسولي دي ۔
د ریسکیو په وینا ټول ژوبل کسان ډسټرکټ هیډکوارټر هسپتال وانا ته منتقل کړې شوي، چرته چې هغوی ته طبي امداد ورکول کېږي، د هسپتال د انتظامیې ترمخه د ژوبل شوي دوه کسانو حالت نازک ښودل کیږي او دوي د نور علاج لپاره ډېره اسماعیل خان ته رسولې شويدي ۔
بلخوا ځائې خلقو او مشرانو د دې پېښې سخته غندنه کړې او حکومت نه ئې غوښتنه کړې چې په سیمه کښې د امن او امان د ټینګښت لپاره عملي او موثر ګامونه پورته کړي، چې د خلقو د سر او مال تحفظ یقیني شي ۔
