د ايران صدرمسعود پزشکيان اسلام آبادکښې وزيرعظم هاؤس ته ورغلې، چرته چې د ايراني صدر درناوي کښې ګارډ آف آنر هم وړاندې شوېدې، په دې موقع ايراني صدر او وزيراعظم شهبازشريف ترمينځ اهم ملاقات هم شوې، چې پکښې د منطقې صورتحال او شريکې دلچسپۍ په نورو چاروخبرې هم شويدي، ملاقات نه پس د پاکستان او ايران ترمينځ وفود په سطح هم خبرې شوي، د پاکستاني وفد مشري وزيراعظم شهباز شريف او ايراني وفد مشري صدر مسعود پزشکيان کړې ۔
اسلام آباد: ايراني صدر مسعود پزشکيان او وزيراعظم شهبازشريف ترمينځ ليدۀ کاتۀ شوې او وروستو د دواړو ملکونو وفود په سطح هم ملاقات شوېدې ۔
په دې موقع وزيراعظم شهبازشريف اووئيل چې د پاکستان يو وارې بيا دوره کولو باندې د خپل ورور مسعود پزشکيان شکريه ادا کوم، د دواړو ملکونو تعلقات نيزدې ورورولۍ عمده مثال دې، مونږ به کله هم ايرانيان يواځې نۀ پريږدو ۔
هغه اووئيل چې د اسلام آباد مفاهمتي ياد داشت باندې لاسليک وروستو د ايراني صدر په دوره ډير خوشحاله يم، جنګ بندي او امن لپاره د فيلډ مارشل کوششونه بے مثاله دي ۔
د وزيراعظم وينا وه چې مونږ دلته روښانه مستقبل لپاره راجمع شوي يو، د پاکستان ثالثۍ لپاره په قابليت د ايران باور شکريه ادا کوم،وزيراعظم شهبازشريف د ايران سپريم ليډر مجتبیٰ خامنه اي لپاره نيکو هيلو څرګندونه هم کړېده ۔
تر دې وړاندې وزيراعظم هاؤس ته په راتګ وزيراعظم شهبازشريف د ايراني صدر تود هرکلې کړې، په دې موقع د ايراني صدر په درناوي کښې ګارډ آف آنر وړاندې کړې شوېدې ۔
استقباليه دستورې دوران ايراني صدر مسعود پزشکيان ته ګارډ آف آنر هم وړاندې کړې شوې، او په دې موقع د دواړو ملکونو قامي ترانې هم غږولې شويدي، د دواړو ملکونو اهم چارواکي هم په دستوره کښې شريک وو ۔
د پاک فوج چمتو دستو ايراني صدر ته سلامي ورکړې، وزيراعظم شهبازشريف د ايراني صدر د کابينې اراکينو تعارف کړې وو، ايراني صدر وزيراعظم هاؤس په لان کښې پوټې هم لګولې دې ۔
