د خېبرپښتونخوا غريزو سيمو، بلوچستان، کشمير او ګلګت بلتستان کښې اتلسم دسمبر پورې د باران او په غرونو د واورې وريدو پيشنګوئي شويده، اين ډي ايم اے دې لړ کښې ايډوائزري هم جاري کړې او وئيلي دي چې باران او واورې وريدو لوجې دغه علاقو کښې د سړکونوبنديدو انديښنه ده، په سيلګرو غږ شوې چې اتلسم دسمبر پورې دې د غريزو سيمو تګ نه ډډه اوکړي ۔
نيشنل ډيزاسټر مينجمنټ اتهارټي طرف نه جاري شوې بيان کښې وئيلي شوي چې نن نه تر اتلسم دسمبر پورې د خېبرپښتونخوا برنو سيمو، بلوچستان، کشمير او ګلګت بلتستان په غرونو د باران او واورې وريدو امکان دې ۔
اين ډي ايم اے وئيلي چې نن نه پنځلسم دسمبر پورې به د مغربي هواګانو سلسله د ملک شمالي او مغربي برخو باندې اثر انداز کيږي ۔
این ډي ايم اے ترمخه شپاړسم نه تر اتلسم دسمبر پورې د واوري وريدو شدت کښې د کمي امکان دې ، ولې موسم به زيات يخ وي ۔
بيان کښې وئيلي شوي چې دې دوران غريزو سيمو کښې د زياتې واورې وريدو لوجې سړکونه بنديدو هم انديښنه ده ۔
اين ډي ايم اے په سيلګرو غږ کړې چې اتلسم دسمبر پورې دې د غريزو سيمو سيل نه ډډه اوکړي ،دې لړ کښې متعلقه ادارو ته هم د حفاظتي ګامونو هدايات شويدي ۔
