وزيراعظم شهبازشريف د ايران نوې سپريم ليډر مجتبیٰ خامنه اي ته خط ليکلې، وزيراعظم د مجتبیٰ خامنه اي سره د آيت الله خامنه اي په مړېنه تعزيت اظهار کړې او ذمه وارۍ سنبهالولو باندې ئې د ايران سپريم ليډر ته اومبارکي هم ورکړې، وزيراعظم وئيلي چې پاکستاني اولس د آيت الله خامنه اي قتل لوجې ډير خفه دي، مشکل وخت کښې پاکستان د ايران مشرانو او عوام سره سره ولاړ دې ۔
اسلام آباد: وزيراعظم شهبازشريف د خط د لارې مجتبیٰ خامنه اي سره د آيت الله خامنه اي په وژنه تعزيت اظهار کړې او هغۀ ته ئې د ايران سپريم ليډر ذمه وارۍ سنبهالولو باندې اومبارکي ورکړېده ۔
وزيراعظم د ايران برادر عوام او امت مسلمه لپاره د پاکستاني اولس تعزيت او دعاګانو اظهار کړېدې، او وئيلي دي چې پاکستاني اولس د آيت الله خامنه اي په وژنه ډير خفه دي، مشکل وخت کښې د ايران مشرانو او عوام سره يوالې سره ولاړ دي ۔
وزيراعظم دا هم وئيلي چې طمع لرو چې مجتبیٰ خامنه اي مشري به راتلونکې کالونو کښې ايران کښې د امن، استحکام، وقار او خوشحالۍ په طرف رهنمائي کوي، پاکستان او ايران تعلقات تاريخ، ثقافت او ژبې باندې مبني دي ۔
وزيراعظم د ايران سره په شريکه کار جاري ساتلو عزم څرګند کړې او وئيلي دي چې دواړه برادر ملکونو مفاد لپاره شريکې دلچسپۍ ټول شعبو کښې دوه اړخيزه تعاون به نور هم مستحکم کولې شي ۔
