وزيراعظم شهباز شريف دوره ګلګت بلتستان، د ګلګت بلتستان ګورنر سيد مهدي شاه او نګران وزيراعلیٰ جسټس ريټائرډ يار محمد د وزيراعظم سره ملاقات کړېدے او ورسره ئې د امن و امان صورتحال،انتظامي امورو او ګلګت بلتستان کښې روان ترقياتي منصوبو په معاملو خبرې کړيدي، وزيراعظم ګلګت کښې د نوي منصوبو افتتاح هم کړيده ۔
ګلګت: وزيراعظم شهبازشريف دخپلې دورې په موقع ګلګت او سکردو کښې د سيف سټي منصوبو افتتاح کړې ، خطه کښې د مفت سولر پينلز تقسيم منصوبې آغاز هم کړيدي ۔
وزيراعظم ګلګت کښې د سل ميګاواټ شمسي توانائۍ او منصوبے بنياد هم ايښودې ،وزيراعظم متعلقه چارواکو ته هدايت کړې چې دا منصوبه به راتلونکې کال نيمې پورې مکمل کولي شي ۔
د ترقياتي منصوبو افتتاح نه پس جوړې شوې دستورې ته وينا کښې وزيراعظم وئيلي چې قابل ماشومان د پاکستان فخر دې او دوي شپه ورځ محنت کولو سره ليپ ټاپ ترلاسه کړې ۔
وزيراعظم اووئيل چې طالب علمانو ته ليپ ټاپ د څهۀ احسان په توګه نۀ دې ورکړې شوې بلکه د دوي تعليمي قابليت په اعتراف کښې ورکړې شوېدې ۔
دانش سکول په اړه وزيراعظم اووئيل چې پنجاب کښې ئې د وزيراعلیٰ په حيث د تعليم ودې لپاره د دانش سکولونو بنياد ایښودٰ وو، چرته چې کمزورٰ او متوسط طبقې ماشومانو ته مفت او معياري تعليم ورکولې شي ۔
