د پټروليم وفاقي وزير علي پرويز ملک وئيلي دي چې وزيراعظم شهبازشريف د کورنو صارفينو لپاره سحر پنځه نه تر د شپې لس بجو پورې د ګيس بلا تعطل فراهمۍ هدايت کړې دې ، روان کال دوران ملک کښې د ګيس لوډشيډنګ کښې ډير حده پورې کمې راغلې دې، ولې ملک کښې چې کوم ځائې کښې هم د ګيس پريشر مسئله وي، نشاندهي دې اوکړې شي مسئله به فوري حل کولې شي ۔
قامي اسمبلۍ اجلاس کښې توجه دلاؤ نوټس باندې خبرو پر مهال د پټروليم وفاقي وزير علي پرويز ملک وئيلي دي چې وزيراعظم ټول ملک کښې کورنو صارفينو لپاره ټوله ورځ بلا تعطل د ګيس فراهمۍ هدايت کړېدې ۔
وفاقي وزير علي پرويز ملک اووئيل چې روان کال کښې د تير کال مقابله کښې د ګيس لوډشيډڼګ کښې ډېر کمې راغلې دې ۔
هغۀ اووئيل چې کوم ځائې هم د ګيس لوډشيډنګ يا کم پريشر مسئله وي ، نو نشاندهي دې اوکړې شي، فوري به مسئله حل کولې شي ۔
علي پرويز ملک اووئيل چې نومبر مياشت کښې اتيا نه تر نوي پورې شکايات موصول شوي ، په دې کښې اتيا فيصده شکايات د اوګرا په حواله وو ۔
وفاقي وزير دعویٰ کړې چې وزارت پټروليم دغه ټول شکايات شپږ ديرش ګهنټو کښې حل کړېدي ۔
