صدر مملکت آصف زرداري او وزيراعظم شهبازشريف بلوچستان کښې کامياب عملياتو باندې سيکيورټي فورسز ته خراج تحسين وړاندې کړې، وئيلي دي چې بهرملکي ترهه ګرو نيټ ورکس خلاف مؤثر کاروائيانې ضروري دي، ملک کښې به ترهه ګرو خلاف کاروائيانې جاري وي، ټول قام سيکيورټي فورسز په شا کلک ولاړ دې، هيچا ته به هم د ملک امن تباه کولو اجازت ورنکړې شي ۔
د بلوچستان دوه ضلعو کښې د سيکيورټي فورسز کامياب عملياتو باندې صدر مملکت آصف علي زرداري خپل بيان کښې وئيلي دي چې بلوچستان کښې امن لپاره د سيکيورټي فورسز مؤثر کاروائيانې د ستائنې وړ او ضروري دي ۔
صدر مملکت اووئيل چې بهرملکي ترهه ګرو نيټ ورکس خلاف مؤثر کاروائيانې ضروري دي، ملک کښې به ترهه ګرو خلاف کاروائيانې جاري وي، ټول قام سيکيورټي فورسز په شا کلک ولاړ دې ۔
بلخوا وزيراعظم شهبازشريف خپل بيان کښې وئيلي چې بلوچستان کښې آپريشن دوران لس ترهه ګر وژل ، دوه زنانه خودکش بمبارې او د سهولت کارو ګرفتاري د سکيورټې فورسز لويه کاميابي ده ۔
وزيراعظم واضحه کړې چې چا ته به هم بلوچستان کښې امن خرابولو اجازت ورنکړې شي،او ترهه ګرو مکمل خاتمې پورې به د دوي خلاف کاروائي هم دغه شان جاري وي ۔
وزيراعظم زياته کړې چې ترهه ګر د بلوچستان او د عوام ترقۍ، خوشحالۍ او امن دښمن دي ،وزيراعظم عزم څرګند کړې چې ټول قام د وطن دفاع او ترهه ګرو خلاف جنګ کښې د سکيورټې فورسز سره اوګه په اوګه ولاړ دې ۔
