لاهورهائيکورټ واضحه کړې چې صرف د پاکستان کمپيوټرائزډ قامي شناختي کارډ د پاکستاني شهريت حتمي او ناقابل ترديد ثبوت نشي کيدې ،عدالت د نادرا ثبوتونه نظراندازکولو باندې د لاهور مقامي عدالت فيصله کالعدم ګرځولې او د نادرا درخواست ئې منظور کړېدې، هائيکورټ خپله فيصله کښې وئيلي چې افغان جنګ او وروستوپاکستان ته راتلونکي ځيني کسانو شناختي دستاويزات ترلاسه کړي۔ولې د هغوي د پاکستانى شهريت مکمل تصديق نه دې شوې ۔
لاهور: د لاهور هائىکورټ جسټس محسن اختر کياني د نادرا لطرف نه دائر کړې شوې درخواست منظور کړې او فيصله ئې اورولې ده، درخواست دوه مقامي عدالتونو د فيصلې خلاف دائر کړې شوې چې پکښې خالد خان سره دوه نور کسان پاکستاني ګرځولې شوي وو ۔
عدالت خپله فيصله کښې واضحه کړې چې شهريت او قاميت په اړه تنازعات عام سول عدالتونو دائره اختيار کښې نۀ راځي ، د دې تعين مخصوص قانوني طريقه کار او متعلقه ادارو په ذريعه کولې شي ۔
عدالتى ريکارډ مطابق نادرا متعلقه کسانو شناختي کارډ په دې بنياد منسوخ کړې وو چې هغوي بهرملکيان دي،وروستو معامله يو مشترکه تصديقي کميټۍ ته حواله کړې شوې وه چې پکښې د سپيشل برانچ ، انټيلي جنس بيورو او آئي ايس آئي نمائندګان شامل وو خو هغوي هم د هغوي پاکستانى شهريت تصديق نۀ دې کړې ۔
عدالت وئيلي چې متعلقه کسانو نورلس سوه نهه اوويم نه مخکښې هيڅ قسمه سرکاري ريکارډ نۀ دې وړاندې کړې چې ورنه د هغوي پلار پاکستانې کيدل ثابتيږي ۔
په دې بنياد د لاهور هائيکورټ عدالت د نادرا ثبوتونه نظر انداز کولو باندې د لاندې عدالتونو فيصلې کالعدم ګرځولي او د نادرا درخواست ئې سماعت لپاره منظور کړې دې ۔
