د خېبر پښتونخوا وزيراعلیٰ سهيل آفريدي وئيلي دي چې صوبه کښې به امن هله راځي چې مقامي اسټيک هولډرز هم فيصلو کښې شامل کړې شي،وزيراعلې سهيل آفريدي د خېبرنيوز سره ځانګړې خبرو کښې وئيلي دي چې راتلونکې کال به د خېبر پښتونخوا لپاره د امن او خوشحالۍ کال وي،
پيښور کښې د خېبر نيوز پروګرام کراس ټاک کوربه محمد وسيم سره خبرو کښې د خېبر پښتونخوا وزيراعلیٰ سهيل آفريدي وئيلي دي چې مونږ لانګ مارچ لپاره د اووۀ ويشتم ستمبر تاريخ ورکړې، په کوم چې نيوکې کيږي، کۀ چرې مونږ بل تاريخ هم ورکولو، نو بيا پرې هم سختې نيوکې کيدې ۔
سهيل آفريدي اووئيل چې د اووۀ ويشتم ستمبر لانګ مارچ په تاريخ د پارټۍ ټولو اهم مشرانو سره مشورې شوي ۔
وزيراعلیٰ اووئيل چې وزيراعظم شپږ مياشتو وخت راکړې چې يوؤلسم اين ايف سي ايوارډ به جاري کړې شي، او ګيلا ئې کړې چې وفاق صوبه کښې جاري منصوبو ته فنډ نۀ ورکوي ۔
هغۀ زياته کړې چې د باني پي ټي آئي رهائي تاريخ په حواله ئي هم وئيلي چې په اوويشتم ستمبر د لانګ مارچ په فيصله ټولو سره مشاوره شوې، بعض يوټيوبران د پي ټي آئي بيانيه ته د مخالفينو نه زيات نقصان رسوي ۔
