معرکه حق اولنې سالګرې په موقع افواج پاکستان او خصوصا پاک فضائې د قامي دفاع کاميابې ته خراج تحسين وړاندې کړې، او وئيلي دي چې معرکه حق قامي اعتماد ته نوې جدت ورکړې، او د پاک فضائيې پيشه ورانه تيارې نړې ته رابرسيره شوي ۔
په دې موقع د پاک فضائيه او پاک نيوي افسرانو سره شريکې خبري غنوډې ته وينا کښې د پاک فوج ترجمان ليفټيننټ جنرل احمد شريف چودهري د معرکه حق کاميابۍ يو کال پورا کيدو باندې ټول قام ته اومبارکي ورکړې ده ۔
د پاک فوج ترجمان وئيلي دي چې معرکه حق کښې پاکستان د ځان نه پنځه ګنا زيات طاقتور ملک ته پر هر محاذ شکست ورکړې،بهارت يو کال پس هم د پهلګام پيښې ثبوتونه نۀ دي په ډاګه کړې، د بهارت د ترهه ګرۍ ډرامې مو هميشه لپاره دفن کړېدي ۔
ډې جي آئي ايس پي آر ليفټيننټ جنرل احمد شريف چچودهري اووئيل چې افواجِ پاکستان د قام پر توقعاتو پورا شوې، نن ملکي قيادت، افواج او اولس يو دي ۔
ډي جي آئي ايس پي آر وئيلي چې آپريشن غضب للحق جاري دې، دې کښې عارضي وقفه راغلې وه،افغان طالبان د اولس په معيار نۀ دي پورا شوي ۔
د پاک فوج ترجمان وئيلي چې د فوج سياست سره هيڅ تعلق نيشته، فوج ملکي سياست کښې سټېک هولډر نۀ دې، په ميز ناسته او خبرې کول د سياستدانانو کار دې ۔
ډپټي چيف آف ايئر سټاف پروجيکټس ايئر مارشل طارق غازي وئيلي چې پاکستان معرکه حق کېښ د بهارت اتۀ جهازونه تباه کړي ۔
