وزيراعظم شهبازشريف وئيلي دي چې د ترهه ګرۍ نوې خطرې د افغانستان نه سر پورته کړې، نړيواله ورورولي دې په طالبانو دباؤ واچوي چې خپلې ذمه واري پورا کړي ، وزيراعظم مطابق د شخړو پرامن حل د پاکستان د خارجه پاليسۍ بنيادي ستن ده، د پاکستان په مرسته د غزه امن منصوبه منظور شوې، غزه کښې د جنګ بندۍ شريک کوششونو په نتيجه کښې لکونو فلسطينيانو د سکون ساه اخستې ده ۔
اشک آباد: وزيراعظم شهبازشريف د ترکمانستان سرښار اشک آباد کښې نړيوال مشرانو سره په شريکه د ترکمانستان يادګارِ غير جانبداري باندې حاضري ورکړې او ګلونه ئې پرې ايښودي دي ۔
په دې موقع د ترکمانستان صدر بردي محدوف، روسي صدر ولادي ميرپيوټن، ترکيه صدر رجب طيب اردووان، ازبکستان صدر شوکت مرزيوئيف، تاجکستان صدر امام علي رحمان، قازقستان صدر قاسم جومارت توقايف پشمول د نور مختلفو ملکونو مشران او نمائندګان شريک وو ۔
د ترکمانستان ديرش کلنه مستقل غير جانبدارۍ کليزې په حواله دستورې ته خپله وينا کښې وزيراعظم شهبازشريف اووئيل چې اشک آباد يو شاندار ښار کښې موجودګي زما لپاره د اعزاز خبره ده، د سپين سنګ مرمر ښکلا او د ترکمان حکومت تود هرکلې د ستائنې وړ دې ۔
وزيراعظم اووئيل چې د ترکمانستان ميلمستيا مثالي ده، دوه زره پنځه ويشتم په بين الاقوامي سطح د امن کال ګرځول د خوشحالۍ خبره ده، پاکستان روان کال کښې د سلامته کونسل ذمه وارۍ سنبهال کړېدي ۔
وزيراعظم شهبازشريف اووئيل چې د ترهه ګرۍ نوې خطرې د افغانستان نه سر پورته کړې، نړيواله ورورولي دې ذمه واريانې پورا کولو لپاره په په طالبانو دباؤ واچوي ۔
وزيراعظم مخکښې وئيلي چې د شخړو پرامن حل د پاکستان د خارجه پاليسۍ بنيادي ستن ده، د پاکستان په مرسته د غزه امن منصوبه منظور شوې، غزه کښې د جنګ بندۍ شريک کوششونو په نتيجه کښې لکونو فلسطينيانو د سکون ساه اخستې ده ۔
وزيراعظم شهبازشريف زياته کړې چې د سلامتي کونسل قراردار نمبر دوه اووۀ اتۀ اتۀ(2788) د پاکستان د وژن پخلې دې، د عرب اسلامي ملکونو ګروپ رکن په حيث د پاکستان امن مشن کښې اهم کردار دې ، مشرق وسطیٰ کښې اوږد مهاله جنګ بندي او د انساني امداد فراهمي ضروري ده ۔
وزيراعظم دا هم اووئيل چې پائيدار امن او پائيداره ترقي يو بل سره تړلې دي، د دوه زره ديرشم ايجنډا د عالمي ترقۍ جامع تګ لاره ده، مالياتي شموليت او زنانه معاشي هلو ځلو کښې شاملول زمونږ ترجيحات دي ۔
وزيراعظم شهبازشريف په دې موقع د نړېوال مشرانو توجه موسمياتي تبديلۍ او د دې نقصاناتو طرف ته هم اړولې او وئيلي دي چې موسمياتي تبديلي او عدم مساوات د ترقي پذير ملکونو لوئې چيلنجز دي، د ترقي يافته ملکونو ټيکنالوجي ته منصفاقنه رسائي د وخت اهم ضرورت دې ۔
