پاکستان کرکټ بورډ د ويسټ انډيز او انګلينډ خلاف ټيسټ سيريز لپاره د قامي سکواډ اعلان کړې، سټار بېټر بابر اعظم ته د قامي ټيم قيادت سپارلې شويدې ۔
د قامي سکواډ اعلان لاهور کښې د پي سي پي سليکشن کميټې پريس کانفرنس دوران شويدې، سکواډ کښې کپتان بابر اعظم، عامر جمال، عبدالله فضل، علي عثمان، آذان اويس، امام الحق، خرام شهزاد، محمد عباس، محمد رضوان او سلمان علي آغا بشمول اولس نور لوبغاري شامل دي ۔
قامي ټيم به د پنځۀ ويشتمې جولائۍ نه تر شپږم اګست پورې د ويسټ انډيز خلاف دوه ټيسټ ميچونه لوبوي، سيريز لپاره د بابر اعظم په قيادت کښې شپاړس کسيزه سکواډ اعلان شوې ۔
د ويسټ انډيز دورې وروستو قامي ټيم د انګلينډ ټور کوي، او هلته به د نورلسم اګست نه تر ديارلسم ستمبر پورې دوه ټيسټ ميچونه لوبوي ۔
