ميانمار کښې فوج د آن لائن فراډ سينټرز خلاف کريک ډاؤن کړې ، چې پکښې اتۀ ديرش پاکستانيانو پشمول يو شمير غير ملکي وګړي خوشې کړې شويدي، رها شوي پاکستانيان د بنکاک اميګريشن سينټر ته منتقل کړې شوي، دې لړ کښې د تهائي لينډ چارواکو د پاکستان حکومت ته خط هم راليږلې، او وئيلي دي چې ميانمار کښې شپيتۀ پورې پاکستانيان شيلټر هاؤس کښې موجود دي، بلخوا ايف آئي اے په پاکستانيانو غږ کړې داسې فراډيانو څخه دې ځان ساتي ۔
د تهائي لينډ چارواکو وئيلي چې تهائي آرمي ميانمار کښې اتۀ ديرش پاکستانيان ريسکيو کړي، دغه پاکستانيان ميانمار کښې د آن لائن فراډ سينټرز خلاف کاروائۍ دوران خوشې کړې شوي وو ۔
دوي وئيلي چې رها شوي پاکستانيان د بنکاک اميګريشن سينټر ته منتقل کړې شوي او دې لړ کښې پاکستاني حکومت ته خط هم ليږلې شويدې ۔
د تهائي لينډ چارواکو دا هم وئيلي چې ميانمار کښې شپيتۀ پورې پاکستانيان شيلټر هاؤس کښې موجود دي ۔
بلخوا ايف آئي اے وئيلي چې تهائي لينډ، ميانمار او کمبوډيا د آن لائن فراډ مراکز دي، دغه سينټرز د نوکرو لپاره آن لائن اشتهارات ورکوي ۔
ايف آئي ترمخه دغه فراډيان ځوانانو ته ورک ويزو نه پس راغواړي او بيا ئې بنديوان کوي، ايف آئي اے په پاکستانيانو غږ کړې چې د داسې فراډ سينټر په خبرو کښې دې نۀ راځي ۔
