خېبر پښتونخوا کښې د ګورنر راج فيصله شويده، ذرائعو مطابق دې لړ کښې شپږ نومونه هم مخې ته راغلي دي، دغه شخصياتو کښې درې سياسي او درې پخواني فوجي افسران شامل دي، بلخوا په دې معامله د ګورنر خيبر پښتونخوا فيصل کريم کنډي ردعمل هم مخې ته راغلې دې ۔
ذرائعو خېبر نيوز ته وئيلي چې خيبر پښتونخوا کښې ګورنر راج لګيدو امکان دې او دې لړ کښې به موجوده ګورنر فيصل کريم کنډې هم خپلې څوکۍ څخه لرې کولې شي ۔
ذرائعو مطابق دې لړ کښې شپږ نومونه هم مخې ته راغلي دي، دغه شخصياتو کښې درې سياسي او درې پخواني فوجي افسران شامل دي ۔
سياسي شخصياتو کښې پخوانې وزرائے اعلیٰ امير حيدر خان او پرويز خټک شامل دي، پخواني داخله وزير او د قامي وطن پارټۍ سربراه آفتاب شيرپاو نوم هم دغه فهرست کښې شامل دې ۔
ذرائعو ترمخه پخواني فوجي افسرانو کښې ليفټيننټ جنرل ريټائرډ خالد رباني، ليفټيننټ جنرل ريټائرډ غيور احمد او ليفټيننټ جنرل ريټائرډ طارق خان شامل دي ۔
ليفټيننټ جنرل ريټائرډ غيور احمد او ليفټيننټ جنرل ريټائرډ طارق خان د ايف سي پخواني آئي جي پاتي شويدي ۔
کښې ليفټيننټ جنرل ريټائرډ خالد رباني د پيښور کورکمانډر پاتې شويدې ۔
بلخوا پيښور کښې خبريالانو سره خبرو کښې ګورنر فيصل کريم کنډې وئيلي چې هغه دغه فيصلې نه نۀ دې خبر، چې پارټي کومه فيصله هم اوکړي، هغه به تسليمووم ۔
