خېبرپښتونخوا اسمبلۍ کښې ایجوکیشنل ټیسټنګ اینډ ايوالویشن ایجنسي بل دوه زره شپږ ويشتم منظورکړې شوې،ايوان کښې د صوبۍ په مختلف مسئلوبحث شوې، د يوسوال جواب کښې صوبائي حکومت وئيلي چې دقبائلي سيمو درې سوه،اووۀ ديرش سکولونو کښې صرف شپږ سوه نهه ديرش استاذان دي، حکومتي رکن فضل حکيم وئيلي چې نوي فيصده سيلاب متاثرين زما حلقه کښې دي،او دوي اتۀ مياشتو راهسې ريليف فنډز نه محرومه دي، اجلاس کښې د هسپتالونو په معامله هم په حکومت سختې نيوکې شوي ۔
پېښور: د خېبر پښتونخوا اسمبلۍ غونډه د څوارلس نکاتي ايجنډې سره سرته رسيدلې، په کوم کښې چې د خېبر پښتونخوا ایجوکیشنل ټیسټنګ اینډ ایوالویشن ایجنسي بل منظور کړې شویدې ۔
غونډه کښې حکومتې او اپوزيشن غړو د خپلو حلقو په مسائلو هم بحث کړې او په دې لړ کښې خپل تجاويز هم وړاندې کړي دي ۔
حکومتي اراکينو عبید الرحمان، انورزیب خان، ارشد عمرزئي او نورو اراکينو وئيلي چې د صوبې هسپتالونو کښې ډير بد حال دې، زياتره هسپتالونو کښې سرنج هم موجود نۀ وي ۔
د دوي وينا وه چې آيا دا د باني پي ټي آئي وژن وو چې نن د صوبې خلق مشکلاتو سره مخ دي، صوبائي وزيرانو او حکومتي اراکينو سره د صوبې د خلقو د مسئلو د حل بيخي غم نيشته ۔
دوي مخکښې اووئيل چې صوبائي حکومت د کروړونو روپو خرچ کيږې خو خلقو ته ئې هيڅ فائده نۀ رسي، بائد د دې کروړونو روپو تحقيقات دې اوکړې شي ۔
د يوسوال جواب کښې صوبائي حکومت وئيلي چې دقبائلي سيمو درې سوه،اووۀ ديرش سکولونو کښې صرف شپږ سوه نهه ديرش استاذان دي ۔
حکومتي رکن فضل حکيم وئيلي چې نوي فيصده سيلاب متاثرين زما حلقه کښې دي،او دوي اتۀ مياشتو راهسې ريليف فنډز نه محرومه دي ۔
